1 Kolinto 9:23 - Amazwi Yakwe Leza 2013

²³ Nkacita vii vyonsi pamulandu wi Landwe, pakuti ningakumako ku kupolelelwa ukwaya mwi Landwe.

1 Kolinto 9:23 ပူးပေါင်းရင်းမြစ်များ

Mako 8:35

Pano wino wensi akalonda kutuula umi wakwe, wene alauponzya. Lelo wino wensi amaponzya umi wakwe pamulandu wi Landwe Lisuma wene alautuula.

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

1 Kolinto 9:12

Yauze ndi yakweti nsambu zya kupokelela vintu vii, uzye swemo citalusile? Lelo swemo tutatala twaomvya nsambu ii. Mu cifulo cakwe cico, swemo tukazizimizya mu vintu vyonsi pakuti tutika intanzi mu kukosola kwi Landwe Lisuma lya pamulandu wakwe Klistu.

1 Kolinto 9:22

Lino ndi pakasi ka antu yano utailo wao utonte, nani kwene nkaikala ndi vino yaya, pakuti njalonke. Caleka nkacita consi cingacitwa pakuti ntuule yamwi munoyali.

1 Kolinto 9:24

Cumi kwene mwamanya vino antu aingi yakasimula mu kucimvyanya kwa lwilo, lelo umuntu wenga sile akalonka cilambu. Caleka namwe simulini mu musango wakuti mulonke cilambu.

2 Kolinto 2:4

Pa nsita ino nalemvile kalata kuli mwemwe, nali mu kucululuka cuze. Manso yane yazilemo minsozi, nga nu kunyunguluka mu mwenzo. Lelo ntalondanga kuti muvwe ulanda. Nemo nalondanga sile kuti mumanye kutemwa kuno namutemwa.

Galatiya 2:5

Lelo pakuti tucingilile cumi ci Landwe, swemo tutayasilile mweko nanti panono.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

2 Timoti 2:6

Mulimi wino akaombesya alinzile kuya wankolelo ukwankanyiwa vyati vizombolwa.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.