1 Kolinto 9:19 - Amazwi Yakwe Leza 2013

¹⁹ Nemo nene muntungwa, nsi muzya wa muntu ali wensi. Lelo nati nja muzya wa antu yonsi pakuti ndonke antu aingi kuluta.

1 Kolinto 9:19 ပူးပေါင်းရင်းမြစ်များ

Mapinda 11:30

Ukwikala umi wa mpomvu kukapela umi wape, lelo ukukana malango ukulovya uumi.

Mateo 18:15

“Munyonko ndi wakwifya, yanga kunoli umulange kuluvyanya kwakwe lino muli sile mweili. Ndi wakuuvwa, lyene ale mwawikizyanya wa ina.

Loma 1:14

Pano nemo indi nu mulimo wa kutumikila umuntu ali wensi, musambilile nu mututu, uwa mano na mbulwa mano kwene.

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

Loma 15:2

Lelo cila muntu aezya kuzanzya mwina atali akome pakuti akomelezye utailo wakwe.

1 Kolinto 10:29

Asi myenzo inu lelo a kampingu wa muntu wali wamunena. “Endi, lyene,” umwi anganguzya ati, “Uzye pacani ntangaya nu untungwa uwakucita cino nkasi pamulandu wakwe kampingu wa muntu muze?

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

1 Kolinto 7:16

Uzye lyene wamanya uli, we muci we mwina Klistu, ukuti utangatuula iya wako? Nanti we iya we mwina Klistu, uzye ungasininkizya uli ukuti utangatuula muci wako?

1 Kolinto 9:1

Uzye nemo nsi muntu muntungwa? Uzye nemo nsi mutumwa? Uzye nemo ntalola Yesu Mwene witu? Uzye mwemo ntamutungulwile ku kukwata utailo mu Mwene Yesu?

2 Kolinto 12:14

Lii, ila lyakwe citatu lino nkupanga kwiza mutandalila. Lelo na ndakai ntakulonda kulenga cimwi kuno muli. Nkulonda sile mwemwe, lelo asi kuya wa cisendo kuno muli. Usi mulimo wa ana kusungila akwasi yao vyuma, lelo mulimo wa akwasi kusungila ana yao.

2 Kolinto 4:15

Vii vyonsi vyacisilwe pamulandu winu, pakuti vino cikuku cikufika ku antu aingi vivyo kwene cikungilizya ntaizyo ku lulumbi lwakwe Leza.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

1 Petulo 3:1

Mu musango uli onga kwene mwe anaci mulinzile kuyela yaiya inu, pakuti ndi umwi munomuli wino atataila mazwi yakwe Leza walola vicitwa vinu visuma, nawe kwene ataile. Citange cilondekwe kuti mulande izwi kunoyali,