1 Kolinto 9:17 - Amazwi Yakwe Leza 2013

¹⁷ Ndi nkukosola pamulandu wakuti nkulonda kukosola, ale lyene ndalipilwa. Lelo nkacita cii pa kwangalilwa, pano Leza wandasika mulimo uu.

1 Kolinto 9:17 ပူးပေါင်းရင်းမြစ်များ

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

1 Milandu 29:14

“Lelo nene pamwi na antu yane pasi cimwi cino tungakupeela, pamulandu wakuti ivintu vyonsi uwila ukufuma kunuli, nga naswe twatitukuwezezya sile ivyakwako.

1 Milandu 29:5

nga ni viombelo vyonsi vino yafundi ya milimo yalapanga. Lyene aweni namuze akasi ukupelesya kuli Yawe apilelo?”

1 Milandu 29:9

Antu yazanzile wakwe cimwi pamulandu wakuti intunguluzi zyao zyapelisye kuli Yawe nu mwenzo onsi. Umwene Davidi nawe kwene wazanzile wakwe cimwi.

Neemiya 11:2

Alino antu yataizye antu auze yonsi aipeelisye ukuti yane yakaikala mu Yelusalemu.

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Mateo 10:41

Wino wensi alazengela kasema pamulandu wakuti akasema, alapeelwa cilambu cakwe kasema. Na wino wensi alazengela umuntu umololoke pano wene akacita ivyawololoke pa manso yakwe Leza, alapeelwa cilambu ca muntu umololoke.

Mateo 24:25

Uvwini! Nati munena cii lino nsita itali ifike.

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Yoane 4:36

Na ndakai kazombola akulipilwa malipilo yakwe nga nu kukoozya vizao ku umi wape. Caleka kata wa mbezu na kazombola kwene, oili yalazangila pamwi.

1 Kolinto 3:14

Ndi cico icakuzilwe pa mufula citalapya mu moto, ale lyene kakuula wakweco alapokelela cilambu.

1 Kolinto 3:8

Pasi kupusana pa muntu akata imbezu nga na wino akazikontelela manzi. Leza alalambula cila wenga uwa munotuli kulingana ni milimo ino waomba.

1 Kolinto 4:1

Mwatulola wa yaomvi yakwe Klistu yano apelwa mulimo wakwangalila vya nkama vyakwe Leza.

1 Kolinto 9:16

Ntakweti nsambu ya kuilumba sile pamulandu wa kukosola Ilandwe Lisuma pano Mwene uwampile ilamulo lya kukosola. Kalanda kunondi ndi nsyakukosola Ilandwe!

1 Kolinto 9:18

Uzye lyene malipilo cii yano nkapelwa? Malipilo yane akasita kasuma kakukosola Ilandwe Lisuma kwaula kulifya, nanti kuomvya nsambu zino nakwata mu mulimo wa kukosola ilandwe.

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

Galatiya 2:7

Ku mbali yuze, yene yaweni ukuti Leza wampile mulimo wa kukosola Ilandwe ku Akulukuwa, wakwe vino wapile Petulo mulimo wa kukosola Ilandwe ku Ayuda.

Kolose 1:25

Leza uwancita kuya muzya wi uvi, nupya uwampile mulimo uu pamulandu winu kuti mbombe nde nkosole izwi lyakwe.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

Filimoni 1:14

Nanti cingaya vivyo, ntakulonda kukupatikizya kungazwa. Lelo ningatemwa ukuti wemwisikulu ungazwe kwaula kupatikiziwa. Caleka ntalacita cintu cili consi suka nkolelo utale unzumilizye.