1 Kolinto 9:14 - Amazwi Yakwe Leza 2013

¹⁴ Mu musango uli onga kwene, Mwene nawe wapela ilamulo lyakuti yao akakosola Ilandwe yalinzile kupelwa vyakulya kufuma mu kukosola kwao.

1 Kolinto 9:14 ပူးပေါင်းရင်းမြစ်များ

Mateo 10:10

Mutasenda mufuko wa kulengelamo vimwi pa lwendo lwinu, nanti cakuzwala na cuze, nanti ndyatu nanti intuwa. Pano muomvi camulinga kupelwa vilondwa vyakwe.

Luka 10:7

Ikalini mu ng'anda kwene iyo, mulye nu kumwa consi cino yamupeela. Pano muomvi alinzile apelwe malipilo yakwe. Mutapitana mu misolo.

Luka 10:8

Mu musumba onsi muno mwingila ndi yamupokelela nu kumuzengela, mwalya consi cino yamupeela.

Milimo 18:3

aya aikala nao yaombela pamwi pano imilimo yao yali ikolane na yakwe Paulo. Yene yali yakasuma ya mataalu.

1 Kolinto 4:15

Mungaya na yakasambilizya mazimbi ikumi mu wina Klistu winu, lelo mutangaya na yaso aingi, nemo nizile nja wakwe so pa kukosola Ilandwe Lisuma kunomuli.

1 Kolinto 9:11

Lino twamunenyile ilandwe, cali wa kuta kwa mbezu zyamu mupasi. Uzye lyene icani cino tutangapokelela kufuma kuno muli cino tukuulilwa?

1 Kolinto 9:12

Yauze ndi yakweti nsambu zya kupokelela vintu vii, uzye swemo citalusile? Lelo swemo tutatala twaomvya nsambu ii. Mu cifulo cakwe cico, swemo tukazizimizya mu vintu vyonsi pakuti tutika intanzi mu kukosola kwi Landwe Lisuma lya pamulandu wakwe Klistu.

1 Kolinto 9:16

Ntakweti nsambu ya kuilumba sile pamulandu wa kukosola Ilandwe Lisuma pano Mwene uwampile ilamulo lya kukosola. Kalanda kunondi ndi nsyakukosola Ilandwe!

1 Kolinto 9:4

uzye swemo tutakwata nsambu ya kupelwa cakulya ni cakumwa pa mulimo uno tukaomba.

2 Kolinto 2:12

Lino nafisile mu Tuloa kuti nkosole Ilandwe Lisuma lya pamulandu wakwe Klistu, nazanyile vino Mwene wayula inzila kweneko.

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.