1 Kolinto 9:13 - Amazwi Yakwe Leza 2013

¹³ Cumi kwene mwamanya vino antu akaomba mu Ng'anda ikulu yakwe Leza yene yakalya kufuma muli vino vikapelwa mwenemo. Nupya mwamanya vino yao akaomba pa kavuwa yene yakaankanyiwako impolelwa zimwi zino zikapelwa pa kavuwa.

1 Kolinto 9:13 ပူးပေါင်းရင်းမြစ်များ

Aina Levi 21:22

Wene angalya icakulya camuzilo cuze cakwe Leza wakwe. Angalya ni cakulya kwene camuzilo.

Aina Levi 22:7

Pacisila ca kuwa kwi lanzi, ale simapepo wiyo waya muswepe. Lyene angalya impolelwa zyamuzilo pano ivyakulya vyakwe.

Aina Levi 6:26

Simapepo wino wapeela uwila wa nyama, alye inyama iyo. Ailile mu Ncende Yamuzilo, pa musolo wi Taalu lya Ukongano.

Aina Levi 7:31

Lyene simapepo aoce amafuta pa kavuwa, lelo inganga yene ipelwe kuli Aaloni na ana yakwe.

Mpendwa 18:31

Ali cino mwemo pamwi na amu ng'anda zinu mungalya ivyasyala apali ponsi, pamulandu wakuti ali malipilo inu pa milimo ino mukaomba mwi Taalu lya Ukongano.

Loma 6:16

Na limwi mutamanyile vino ndi mwaipela mweisikulu kuya azya yakuyela umuntu umwi, ala mu cumi mwemwe azya yakwe wino mukayela. Acino ndi mwaipela ku maifyo ale mumaya azya ya maifyo, na maifyo yakaleta imfwa. Ndi mwaipela ku kuyela Leza, ale kuyela kwinu kumamulenga mwikale umi wakucita vyawololoke pa manso yakwe.

1 Kolinto 10:18

Elenganyini pa ina Izlaeli. Yao akalya vyapeelwa impolelwa yakakumako ku kutumikila Leza pa kavuwa.

1 Kolinto 9:24

Cumi kwene mwamanya vino antu aingi yakasimula mu kucimvyanya kwa lwilo, lelo umuntu wenga sile akalonka cilambu. Caleka namwe simulini mu musango wakuti mulonke cilambu.

Malango 10:9

Ali cino aina Levi yatakwatila icipande ca mpanga. Yawe umwisikulu ali cuma cao ndi muno wene wavwanzile kunoyali.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.