1 Kolinto 9:1 - Amazwi Yakwe Leza 2013

¹ Uzye nemo nsi muntu muntungwa? Uzye nemo nsi mutumwa? Uzye nemo ntalola Yesu Mwene witu? Uzye mwemo ntamutungulwile ku kukwata utailo mu Mwene Yesu?

1 Kolinto 9:1 ပူးပေါင်းရင်းမြစ်များ

Milimo 13:2

Uwanda umwi lino yakongine, ala yakupepa Mwene nu kuizilizya ukulya, Mupasi Wamuzilo ayanena ati, “Mu mpalwile Banaba na Saulo, kuti yakaombe mulimo uno nayamila.”

Milimo 14:14

Lino Banaba na Paulo yuvwa vino yakulonda kucita cii, yalepola malaya yao yasimula yaya mukasi ki umba, yalaizya yati,

Milimo 14:4

Lyene antu amu musumba yapaatukana paili. Iumba limwi liwila ku atumwa ni lyuze ku Ayuda.

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Milimo 9:17

Caleka Ananiya apita, aya aingila mu ng'anda muno Saulo wali, aika makasa yakwe panoli amunena ati, “Mwinane Saulo, Mwene umwisikulu, wino uwalolike kunuli umu nzila lino wizanga kuno, wata ntuma pakuti ungalola nupya uzuziwe na Mupasi Wamuzilo.”

Milimo 9:3

Mu nzila lino Saulo wapalama pipi na Damasiko, mukupumikizya uluswepo kufuma mwiyulu luyengesa kulizya panoli.

Milimo 9:5

Nawe auzya ati, “Uzye wewe weni Mwene?” Ni izwi lyuvwika liti, “Anene Yesu, wino ukuzunya.

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 11:13

Nkuvwanga kunomuli ndakai mwe Akulukuwa. Nkuti vino nene mutumwa ku Akulukuwa namaikako mano nu kucindikisya mulimo wane.

1 Kolinto 1:1

Kalata kufuma kuli ne Paulo, wino uwamwa ku kulonda kwakwe Leza kuti nje mutumwa wakwe Klistu Yesu, pamwi na Sositeni mwina witu.

1 Kolinto 10:29

Asi myenzo inu lelo a kampingu wa muntu wali wamunena. “Endi, lyene,” umwi anganguzya ati, “Uzye pacani ntangaya nu untungwa uwakucita cino nkasi pamulandu wakwe kampingu wa muntu muze?

1 Kolinto 10:30

Ndi nkataizya Leza pa vyakulya vyane, pacani umuntu muze anganenola pamulandu wa vyakulya vino nkapelelapo ntaizyo?”

1 Kolinto 11:16

Lelo ndu muntu ali wensi akulonda kupazyanya pamulandu wakwe cii, ale cino nemo ningalanda cakuti swemo nanti mauvi yakwe Leza tutakweti lutambi luze lwa mipepele.

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

1 Kolinto 9:19

Nemo nene muntungwa, nsi muzya wa muntu ali wensi. Lelo nati nja muzya wa antu yonsi pakuti ndonke antu aingi kuluta.

2 Kolinto 10:7

Elenganyini ningo pa vintu vikuloleka paswe. Uzye kuku kungaya umwi wino waitaila ukuti wene uwakwe Klistu? Ndi avino cili, lekini wene aelenganye nupya pali aliwe umwisikulu, pano sweswe yakwe Klistu wakwe vino nawe kwene ali.

2 Kolinto 11:5

Nkwelenganya vino nemo ntacepa pali wenga uwa mu atumwa yano mwemo mukati yacindamisya.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Galatiya 1:1

Kalata kufuma kuli ne Paulo, wino kwamwa kwane kwa kuya mutumwa kutafuma ku muntu nanti kupitila mu muntu, Lelo kwafuma kuli Yesu Klistu, na Leza Tata, wino uwazyukwile Klistu kufuma ku afwe.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

1 Tesalonika 2:6

Swemo tutezizye kulonda lulumbi kufuma kunomuli nanti antu yauze,

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.