1 Kolinto 8:9 - Amazwi Yakwe Leza 2013

⁹ Lelo mucenjele nu untungwa winu uo pa kucita vintu, pano ungaya cisiki cakuponya atonte asi nu utailo ukome.

1 Kolinto 8:9 ပူးပေါင်းရင်းမြစ်များ

Ezaya 35:3

Kanzini amakasa atolompoke, mukomye na makokola atembokele.

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Ezekelo 14:3

“We mwana wa muntu, antu yaa yatiyika imyenzo yao ku tuluwi twao, nu kwika amanso yao pa vintu vyuze vyakupumika kweneko. Uzye yene yakwelenganya ukuti nemo ndayaasuka lino yanguzya?

Ezekelo 44:12

Lelo pamulandu wakuti ali yano yatungulwilanga aina Izlaeli amapepo akupepa utuluwi, calola ukuti fwandi ali yano yayatwalanga mu kwifya. Caleka nani ne Yawe Leza nalapa ukuti yali nu kuvunukwa.

Aina Levi 19:14

Utatipwila cipuuli nanti kwika icintu cimwi cakupumikako ku nkolelo ya mpafu. Waoopa Leza. Nene indi Yawe Leza wako.

Mateo 18:10

“Cenjelini mutezya kuti musule wenga uwamu ana yaa anono. Pano nsita zyonsi angeli yao aakayalinda, yene yakaikala pipi na Tata wino ali mwiyulu. [

Loma 15:1

Swe muno twakoma mu utailo twaazwilizya yano atali yakome pakuti yaposya mu macuzi yao. Tutacita vyakutuzanzya sweisikulu.

1 Kolinto 10:24

Tulinzile kwelenganya pa vilondwa vya antu yauze, asi sile pa vilondwa vitu.

1 Kolinto 10:28

Lelo umwi ndi wamunena wati, “Vyakulya vii, vyapeelwa impolelwa ku tuluwi,” lyene mutalya vyakulya vivyo, pamulandu wakuntaleta intazi kuli wiyo uwatamunena nga na pamulandu wa kuntasakamika myenzo inu.

1 Kolinto 10:29

Asi myenzo inu lelo a kampingu wa muntu wali wamunena. “Endi, lyene,” umwi anganguzya ati, “Uzye pacani ntangaya nu untungwa uwakucita cino nkasi pamulandu wakwe kampingu wa muntu muze?

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 8:10

Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

1 Kolinto 8:12

Ndi mwifya ina Klistu yauzo musango kwene uu, nu kucisa myenzo yao ala mukwifya kuli Klistu kwene.

1 Kolinto 9:22

Lino ndi pakasi ka antu yano utailo wao utonte, nani kwene nkaikala ndi vino yaya, pakuti njalonke. Caleka nkacita consi cingacitwa pakuti ntuule yamwi munoyali.

2 Kolinto 11:21

Ndi ni nsonyi pa kuzumila kuti swemo twali atonte pa kucita vintu vivyo. Lelo ndi yangaitumika, ale nani kwene ningacita, lelo kucita cico kuli kutumpa kwene.

2 Kolinto 11:29

Lino umwi ali nu utonte, nani kwene nkaya nao. Lino yamwi yaponela mu kwifya, nani nkauvwa ulanda.

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.

1 Petulo 2:16

Mwaikala wa antu antungwa, nupya mutaomvya untungwa winu pa kuipeela insambu kuti mwaifya. Lelo mwaikala wa yaomvi yakwe Leza.

2 Petulo 2:19

Yene yakalaya untungwa ku antu onsi, lino aisikulu yali azya ya miyele ino ikaonona. Pano umuntu akaya umuzya wa cintu consi cino camucimvya.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.