1 Kolinto 8:4 - Amazwi Yakwe Leza 2013

⁴ Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

1 Kolinto 8:4 ပူးပေါင်းရင်းမြစ်များ

Masamu 86:10

Pano wemo wewe wamaka, nupya ukacita ni vyakuzunguka. Wemo wenga mpo, wewe uli Leza.

Ezaya 37:16

“We Yawe Wamaka yonsi, we Leza wakwe Izlaeli, wemuno wikala pali yakelubi, awewe sile wenga mpo wewe wateeka uwene wa pano nsi. Awewe waumvile iyulu ni nsi.

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Ezaya 41:24

Ele yame, ivyani vino mungacita! Na antu kwene yano yakamufukamila yakacita sile ivya winyi!”

Ezaya 44:24

“Yawe, Katuula wako, uwakupanzile umu ndilwa yakwe nyoko, wavwanga wati, ‘Nene indi Yawe, uwapanga ivintu vyonsi. Nene nakonzolwile iyulu, nalino napanzile insi, uzye kwaliko umwi uwakungazwa?

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Ezaya 45:5

Nene indi Yawe, nupya kutaya namuze, kutaya Leza muze suka sile nene nenga. Namakupeela amaka yano ungalonda, nanti angala wemo utamanyile.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yelemiya 10:14

Cico cikapezya antu amano, yaposiwa nu kucuvwa. Yayo akapanga utuluwi yakalemwa insonyi. Utuluwi twao utwaufi nupya tutakwata umi.

Mako 12:29

Yesu aasuka ati, “Isunde lyacindamisya aili, ‘Uvwini mwe ina Izlaeli! Mwene Leza witu ali Mwene wenga sile.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

1 Kolinto 8:10

Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

1 Kolinto 8:11

Lyene umuntu wii mutonte, munyonko wino Klistu wafwilile alalowa pamulandu wa “Kumanya kwako!”

Galatiya 4:8

Lino mutamanyile Leza mwemo mwali azya ya tuluwi tutali tuleza.

Efeso 4:6

Kwaya Leza wenga Isi wa antu onsi. Wene waluta onsi, nupya akaomba kupitila munotuli swensi. Wene akaikala munotuli swensi.

Malango 3:24

‘Yawe Simwandalali, namanya ukuti watandika ukulangilila ne muomvi wako ivintu vimwi ivikulu nupya ivyakuzunguka vino wemo uli nu kucita. Kutaya Leza nanti aumwi umwiyulu nanti pano nsi angacita ivyakuzunguka wakwe vino ukacita.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Malango 4:39

Acino fwandi apilelo iusyini nupya mutakezye ukwilila ukuti Yawe ali Leza umwiyulu na pano nsi. Kutaya Leza namuze foo.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.