1 Kolinto 8:13 - Amazwi Yakwe Leza 2013

¹³ Caleka, ndi cakulya cii cingalenga mwinane kupumika ale lyene ntalatala ndye inyama nupya, pakuti ntalenga mwinane apone.

1 Kolinto 8:13 ပူးပေါင်းရင်းမြစ်များ

Mateo 17:27

Lelo pakuti tutaya nu mulandu kunoyali, yanga kuli yemba, usumbilemo iswelo. Utoole inswi ino umatandika ukuswela, uyasamule mulomo, nga umazanamo lupiya. Utoole ulupiya lulo ukalipe musonko witu sweili.”

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Loma 14:13

Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

Loma 14:21

Cintu cisuma kucita ukuntalya inyama nu kuntamwa waini, nga nu kuntacita cili consi cingalenga munyonko ukwifya.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 10:33

Mwacita sile ndi vino nani nkacita, kwezya kuzanzya antu yonsi muli vyonsi vino nkacita, kwaula kuyelenganyizizya visuma nemwisikulu, lelo visuma vya kwazwa yauze pakuti yangatuulwa.

1 Kolinto 13:5

Kutemwa kutakwata kasa. Kutemwa kutaitemwa nupya kusyasepukilwa. Kutemwa kusyasunga viipe vino yauze yakacita.

1 Kolinto 6:12

Umwi angati, “Vintu vyonsi vyazumiliziwa kunondi.” Endi, asi vyonsi vingakwazwa. Nemo ningati, “Vintu vyonsi vyazumiliziwa kunondi.” Endi, lelo ntangazumilizya cimwi cincite uzya.

1 Kolinto 9:12

Yauze ndi yakweti nsambu zya kupokelela vintu vii, uzye swemo citalusile? Lelo swemo tutatala twaomvya nsambu ii. Mu cifulo cakwe cico, swemo tukazizimizya mu vintu vyonsi pakuti tutika intanzi mu kukosola kwi Landwe Lisuma lya pamulandu wakwe Klistu.

2 Kolinto 11:29

Lino umwi ali nu utonte, nani kwene nkaya nao. Lino yamwi yaponela mu kwifya, nani nkauvwa ulanda.

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.