1 Kolinto 8:10 - Amazwi Yakwe Leza 2013

¹⁰ Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

1 Kolinto 8:10 ပူးပေါင်းရင်းမြစ်များ

Amosi 2:8

Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Mpendwa 25:2

Fwandi ale aina Moabu nayo yakwama antu ku kupeela impolelwa zyao kuli tuleza twao.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Loma 14:14

Mu kuilundanya nu Mwene Yesu Klistu, nasininkizya vino Leza wacita vyakulya vyonsi kuya visanguluke. Lelo ndi ukwelenganya ukuti vyakulya vimwi ivikowele, ale lyene kunuli ivikowele.

Loma 14:23

Lelo ndi akutwisika pali vino akalya, ale ali nu mulandu pano micitile yakwe isi pa utailo. Na consi cisi pa utailo ala iifyo.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

1 Kolinto 8:7

Lelo asi yonsi amanya cumi cii. Antu yamwi aingi mu kukula kwao yataila vino tuluwi twaya nu umi. Caleka lino yakulya vyakulya vya musango uu, yene ala yacili yakwelenganya vino yakulya vyakulya vyapeelwa ku tuluwi. Myenzo yao yatonta, nupya yakoweziwa.

1 Kolinto 8:9

Lelo mucenjele nu untungwa winu uo pa kucita vintu, pano ungaya cisiki cakuponya atonte asi nu utailo ukome.

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.