1 Kolinto 7:5 - Amazwi Yakwe Leza 2013

⁵ Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

1 Kolinto 7:5 ပူးပေါင်းရင်းမြစ်များ

Kufuma 19:15

nupya Mose ayanena kuiteyanya pa wanda uwalenga yatatu, nu kuti pa nsita ii yatalinzile kumanyana pa musanzi.

Kufuma 21:10

Monsi ndi wapalika, alinzile kutwalilila ukupeela kapundu wakwe cipimo icili conga ca vyakulya ni vyakuzwala, nga ni nsambu zili zimwi kwene, ndi vino wamucitilanga lino atali apalike.

Yowelo 2:16

Konganikini antu yonsi apali pamwi, muyanene kuti yaizilizye. Konganikini aikolo na ance kwene. Mukonganike nu tunya kwene utucili tukonka. Pelini ilamulo kuli siwinga na nawinga, kuti nayo kwene yafume umu ng'anda yao nu kwiza.

Zakaliya 7:3

Yaile ku kuyauzya yasimapepo na yakasema yati, “Uzye tumatwalilila sile ukulosya pamulandu wakononwa kwa Ng'anda ikulu yakwe Yawe nu kuizilizya ukulya mu mwezi wakwe cisano ndi muno tukacitila pa myaka ivule ndi vii?”

Mateo 17:21

Lelo kusi cuze cingafumya mupasi wankota uwa musango uu, suka sile mwapepa nu kuizilizya ukulya.]

Mateo 19:11

Yesu nawe ayanena ati, “Asi muntu ali wensi anguvwikisya usambilizyo uu, suka sile yao yano Leza wapela maka akwiluka vino ukusenula.

Mateo 4:10

Yesu amunena ati, “Senka pano Ciwa, pano calembwa mu malembelo cati, ‘Wapepa Mwene Leza wako, wene wenga sile awino uwatumikila.’ ”

1 Kolinto 7:4

Mwanaci mwili wakwe usiwakwakwe lelo uwakwe iya. Vivyo kwene nu monsi nawe mwili wakwe usi wakwakwe lelo uwa muci wakwe.

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.