1 Kolinto 7:40 - Amazwi Yakwe Leza 2013

⁴⁰ Nanti cingaya vivyo, mwanaci wiyo angaya ni nsansa kuluta ndi cakuti wikala kwaula kutwalwa. Lii, lili langulusi lyane, nupya nani kwene nkwelenganya vino nkweti Mupasi Wamuzilo.

1 Kolinto 7:40 ပူးပေါင်းရင်းမြစ်များ

1 Kolinto 7:1

Lyene pamulandu wa vintu vino mwandembile, cazipila umuntu kuntatwala.

1 Kolinto 7:35

Nkulanda vintu vii, pano nkulonda kuti mwazwe. Nsyakwezya kwika viindo pano muli. Lelo mu cifulo cakwe cico, nkulonda kuti mwacita cisuma nupya icampomvu, nga nu kuipelesya mweisikulu ku kutumikila Mwene kwaula ca kumupumvyanya.

1 Kolinto 7:6

Ntakupeela ilamulo kunomuli lino nkumunena cii, lelo nkumuzumilizya sile.

1 Kolinto 7:8

Ndakai, nkunena mwe muno mutatwala nanti kutwalwa ukuti cingazipisya mutwalilile kwikala mu usimbe wakwe vino nani nikala.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 13:3

Cii cilinzile kuya cisininkizyo kuno muli ukuti Klistu akuvwangila munondi. Lino Klistu akumusunda wene atangaya nu utonte, lelo waya na maka cuze.

2 Kolinto 8:10

Ilango lino nkweti ilyakuti cingamuzipila kumalila vino mwatandike mwacizo. Mwemo mwali a nkolelo, asi sile mu kucita, lelo nu mu kutemwa kucita.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.