1 Kolinto 7:34 - Amazwi Yakwe Leza 2013

³⁴ Caleka wene akalema viili. Mwanaci atatwalwa nanti a mwali wene akasakamala mulimo wa Mwene, pano wene akalonda kuti mwili nga nu mupasi wakwe vipelwe cuze ku Mwene. Lelo mwanaci wino watwalwa akasakamala vintu vyamu nsi, pano wene akalonda kwelenganya vya kuzanzya iya.

1 Kolinto 7:34 ပူးပေါင်းရင်းမြစ်များ

Yoane 10:13

Wino uwalembwa sile incito wene akautuka pano wene walembwa sile incito nupya asyasakamala mfwele.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

1 Kolinto 7:33

Lelo umonsi wino watwala akasakamala vintu vyamu nsi, pano wene akalonda kwelenganya vya kuzanzya muci wakwe.

1 Kolinto 7:35

Nkulanda vintu vii, pano nkulonda kuti mwazwe. Nsyakwezya kwika viindo pano muli. Lelo mu cifulo cakwe cico, nkulonda kuti mwacita cisuma nupya icampomvu, nga nu kuipelesya mweisikulu ku kutumikila Mwene kwaula ca kumupumvyanya.

2 Kolinto 11:28

Kulunda pali vii, cila wanda nkaya ni cisendo, nupya nasakamikwa cuze pamulandu wa mauvi onsi.

2 Kolinto 8:16

Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

1 Timoti 3:5

Ndi cakuti wene atamanyile vya kusunga amu ng'anda yakwe ningo, uzye lyene angasunga uli iuvi lyakwe Leza?

1 Timoti 5:5

Mukamfwilwa wino uwaikalila, nupya atakwata umwi uwakumusunga, wene wika upaalilo wakwe muli Leza nupya akapepa usiku nu musanya kuti Leza amwazwa.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.