1 Kolinto 7:31 - Amazwi Yakwe Leza 2013

³¹ na yao akaculuzya vintu, yalinzile kwikala kwati yatiikako myenzo yao. Pano insi ii, ndi vino ndakai ili, italikalilila.

1 Kolinto 7:31 ပူးပေါင်းရင်းမြစ်များ

Masamu 39:6

nu kukolana wakolana ni cinzingwa! Navino akacita, umu cuumi ivyasile sile vyonsi. Wene akaitulikila ivyuma, lelo ukwaula ukumanya wino alavilila penepo.

Masamu 73:20

Mwene! Ala yaya wa ciloto icikaililwa lino waca. Akula ukuzyuka uwilila na vino cali cili.

Kasambilizya 1:4

Imikulo ikavyalwa nupya ipita, lelo insi yene yaya sile icili conga.

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

1 Kolinto 7:29

Cino nkusenula inane, icakuti, insita yaticepesya nga kufuma ndakai kwene atwala yalinzile kwikala kwati yatatwala.

1 Kolinto 7:30

Na yao akulosya, yalinzile kwikala kwati yasyakulosya, yao akuseka, yalinzile kwikala kwati yatasansamwike. Yao akukala vintu, yalinzile kwikala kwati yasi aine ya vintu vino yakala,

1 Kolinto 9:18

Uzye lyene malipilo cii yano nkapelwa? Malipilo yane akasita kasuma kakukosola Ilandwe Lisuma kwaula kulifya, nanti kuomvya nsambu zino nakwata mu mulimo wa kukosola ilandwe.

Ayebulai 12:27

Mazwi akuti, “Nupya kwene” yakulanga paswe ukuti vintu ivyaumbwa vilatensiwa nu kufumiziwapo, pakuti vintu vino vitangatensiwa visyale.

Yakobo 4:14

Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.

1 Petulo 1:24

Cili ndi vino calembwa mu malembelo cati, “Antu yonsi yakoline wi sote nga nu lulumbi lwao lukoline wa maluwa amu mpanga.” Isote likauma, na maluwa nayo yakalukuta,

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

1 Yoane 2:17

Caleka insi ii ya pansi ikupita, pamwi nu lunkumbwa ululi mwenemo. Lelo umuntu wino akacita kulonda kwakwe Leza akaikalilila manda pe.