1 Kolinto 6:9 - Amazwi Yakwe Leza 2013

⁹ Cumi mwamanya ukuti yakaifya yatalakumako ku Wene wakwe Leza. Mutaitumpoka! Antu akacita ulenzyo, nanti akapepa tuluwi, nanti akacita ivya winyi,

1 Kolinto 6:9 ပူးပေါင်းရင်းမြစ်များ

Utandiko 19:5

Yama Loti yamuzya yati, “Uzye aenyi aizile ku kulala kwako yalikwi? Yafumye panzi uleke tuulungane nayo.”

Kufuma 23:1

“Utasansanta impwelo zyaufi, nupya utazwilizya muntu wa mulandu pa kumuvwangila umboni waufi.

Mapinda 11:1

Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

Mapinda 22:8

Katovya wa lufyengo, akasinza isyamo. Intuwa ya cipyu cakwe ilamupola aliwe kwene.

Mapinda 7:27

Ing'anda yakwe ili inzila yakuyila ku mbiko, iyatentemukila uku misolo ya mfwa.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Ezekelo 18:11

nanti isi wene atatala wacita, lelo umwana wiyo wakamuka mukuliila impolelwa pa myamba nu kulongozya na yamuka yauze,

Aina Levi 18:20

Utalongozya nu muci wa muzo, cico cingalenga kuti uye uwamifitalila kulingana nu lutambi.

Aina Levi 18:22

Umonsi atakezye kuulungana nu monsi muze. Pano Leza wapata camusango uwo.

Aina Levi 19:15

Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Aina Levi 20:13

Aonsi yaili ndi yulungana atupu, yatiyacita cawinyi. Aonsi yao oili yalinzile ukukomwa. Ala yaikoma aisikulu.

Zakaliya 5:3

Nawe apali pakunena ati, “Pa lupapulo lulo palemvilwe ulutipu ulwakutipwila insi yonsi. Ulusansa longa pa lupapulo lulo palemvilwe ukuti umwivi wensi yalamuzinga umu mpanga, nu lusansa luze lwa lupapulo palemvilwe ukuti umuntu wensi wino akalapa ufi yalamuzinga umu mpanga.”

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Luka 21:8

Yesu ayanena ati, “Cenjelini, mutaponziwa, pano antu aingi yalizila mwi zina lyane nu kuti, ‘Nene ndi Katuula uwalavilwe.’ Nga nu kuti ‘Insita yatifika!’ Lelo mutakayalondele.

Milimo 20:32

“Lyene ndakai namwika mu makasa yakwe Leza, mwikale nu mwi Landwe lya cikuku cakwe, ilili nu kumukuula nu kumupeela upolelelo uno Leza wasungila antu yakwe onsi.

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

Loma 1:18

Lyene ukali wakwe Leza wati usokoloka kufuma kwiyulu pamulandu wankota na maifyo ya antu, pano inkota zyao ziipe zikacilikizya icumi kuti citamanyika.

1 Kolinto 15:33

Mutaisomba mweisikulu. Yacuza aipe yakaonona miyele isuma.

1 Kolinto 15:50

Inane, nemo nkusenula ukuti mili itu iya minyefu nu wazi ilaola. Cii, cikusenula ukuti yene itangakumako ku Wene wakwe Leza uwa manda pe, nga ni cikaola citangingila mu cisiola.

1 Kolinto 3:16

Cumi mwemo mwamanya vino mwemwe Ng'anda ikulu yakwe Leza nga na vino Mupasi Wamuzilo akaikala munomuli.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

1 Kolinto 5:10

Lelo ntamunenyile kuntaya mu utandano na antu yonsi amuno nsi, yano akacita ulenzyo nanti lwiswa nanti aivi nanti yakapepa ya tuluwi. Kufumako ku antu yaa, suka mwafutata nu kufuma muno nsi.

1 Kolinto 5:11

Nkusenula ukuti mutalinzile kuya mu utandano nu muntu akaitaka vino wene umwina winu, lino wene akacita ulenzyo, nanti uwa lwiswa, nanti akapepa tuluwi, nanti uwa ntumpu, nanti umukolesi, nanti umwivi. Mutaikala pansi nu kulya pamwi nu muntu wa musango uu.

1 Kolinto 6:10

nanti akaiya, nanti a lwiswa, nanti akolesi, nanti akatumpwila auze, nanti aivi, pali yaa yonsi kusi alakumako ku Wene wakwe Leza.

1 Kolinto 6:18

Leukini ku uzelele. Iifyo lyonsi lino umuntu angacita lisyakowezya mwili wakwe. Lelo umuntu wino akacita uzelele wene akaifya ku mwili wakwe umwisikulu.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

1 Kolinto 9:24

Cumi kwene mwamanya vino antu aingi yakasimula mu kucimvyanya kwa lwilo, lelo umuntu wenga sile akalonka cilambu. Caleka namwe simulini mu musango wakuti mulonke cilambu.

2 Kolinto 12:21

Nkoopa kuti lino ndiza limwi Leza alandenga kuya ni nsonyi pa manso inu, ndalonda kulila pano aingi muno muli aifizye mpiti nupya yatazenzwike ku vya winyi vyao, imbunu nga nu uzelele wao.

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.

Malango 22:22

“Ndi cakuti umonsi yamulemula akulongozya nu muci wa muntu muze, yoili kwene yalinzile ukukomwa. Mu musango uu amuno mulasisya inkota pakasi kinu.

Malango 22:5

“Anaci yatalinzile kuzwala vyakuzwala vya onsi, nga aonsi nayo yatalinzile kuzwala ivyakuzwala vya anaci. Yawe Leza winu wapata yao akacita vintu ivyamusango uu.

Malango 23:17

“Pano muli kutakaye umonsi nanti umwi uwakuya kacita wa uzelele uwaku Ng'anda ikulu yakwe Leza.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Ayebulai 12:16

Mutaleka umuntu umwi aye cizelele nanti kusula vya mupasi ndi vino Esau wacisile, wino uwakazizye uyeli wakwe ni cakulya conga sile.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

Yakobo 1:16

Inane mutasombwa!

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Yakapingula 19:22

Walanga aisikulu yacili yakuilyokezya, antu yamwi amu musumba ulya ankota iyalizizya ing'anda. Iyapuma ku cisasa, nga iyapunda sana ku mukote wilya yati, “Fumizya panzi umuntu wiyo uwataiza ukwako kuti tuulungane nawe.”