1 Kolinto 6:8 - Amazwi Yakwe Leza 2013

⁸ Lelo mu cifulo cakwe cii, mweisikulu mukatalana milandu nga nu kwiyilana, nanti angala mwemwe ina Klistu!

1 Kolinto 6:8 ပူးပေါင်းရင်းမြစ်များ

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mateo 20:13

Lelo wene aasuka wenga uwa munoyali, ati, ‘Cuza, nemo ntakucenjizye. Uzye tutali twazumilizyanya kuti mupele malipilo ya wanda onga?

Mako 10:19

Wamanya masunde akati, Utakoma, utalongozya, utaiya, utatumpwila umuzo, utacenjezya, wacindika so na nyoko.”

Kolose 3:25

Muntu wensi wino akacita viipe alavunukwa kulingana pa viipe vyakwe, pano Leza atakwata kasoozi.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.