1 Kolinto 6:15 - Amazwi Yakwe Leza 2013

¹⁵ Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!

1 Kolinto 6:15 ပူးပေါင်းရင်းမြစ်များ

Utandiko 44:17

Yosefu avwanga ati, “Awe ntangacita vivyo! Suka sile azanyilwe nu lwako mwi saka lyakwe amaya muzya wane. Mwemuno mwasyala mwensi, mungaswilila kuli so mutende nupya antungwa.”

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

Loma 12:5

Mu musango uli onga kwene avino naswe twaya mwili onga muli Klistu, nupya swensi twailundanya kuli cila wenga ndi vino mwili onga waya ni vilundwa vipusanepusane.

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Loma 3:6

Awe citangaya! Ndi Leza asi mololoke, uzye lyene angapingula uli amu nsi?

Loma 6:15

Uzye lyene icani? Uzye twaifya, pamulandu wakuti tukateekwa ni cikuku cakwe Leza, nga tusyateekwa na masunde? Citangaya vivyo!

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Loma 7:13

Uzye lyene cii cikusenula ukuti icintu cisuma icandenga kuya mufwe? Awe, asi vivyo! Lelo iifyo ilyacisile vii. Pa kuomvya icintu cisuma, iifyo lyandetela imfwa pakuti mucumi umwata wakwelyo uwa kwifya usokololwe. Acino kupitila mu Masunde, iifyo likaloleka kuya lipisye.

Loma 7:7

Uzye lyene tumati kulondela Masunde yakwe Mose kuli kwifya? Awe, citangaya! Lelo kwene Masunde alenzile kuti imanye vino maifyo yaya. Pano Masunde yatakana kunena yati, “Utakumbwa ca muzo,” nga ntamanya na vino ulunkumbwa lwaya.

1 Kolinto 11:3

Lelo nkulonda kuti mumanye vino Klistu ali mutwe pa onsi yonsi, nga monsi nawe ali mutwe pa mwanaci. Lelo Leza nawe ali mutwe pali Klistu.

1 Kolinto 12:27

Mwensi kwene mwemwe mwili wakwe Klistu, nupya cila muntu munomuli wene cilundwa cauko.

1 Kolinto 6:13

Umwi angavwanga ati, “Cakulya capangilwe kwingila mu nda, nga ni nda nayo yapangilwe kupokelela cakulya.” Endi, lelo Leza alonona vii vyoili. Umwili utalinzile kuomviwa mu kucita ulenzyo, lelo ulinzile kuomviwa mu kutumikila Mwene. Mwene aliwe akasunga mwili.

1 Kolinto 6:17

Lelo wino uwailundanya umwisikulu ku Mwene ala wene waya nawe pamwi mu mwenzo.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

1 Kolinto 6:3

Uzye mutamanya ukuti swemo tulapingula angeli? Nga pali ufi umi wa pano nsi!

Galatiya 2:17

Lyene ndi swe Ayuda, lino tukwezya kuya aololoke pa manso yakwe Leza, twazanwa kuya yakaifya ndi vino Akulukuwa yaya, uzye ale cikusenula ukuti Klistu uwatucita kuya yakaifya? Awe cipelele kutali!

Galatiya 3:21

Uzye cii cikusenula vino Masunde yasyazumilizyanya na malayo yakwe Leza? Awe, cisi vivyo! Pano antu ndi yapokelela Masunde angayapeela umi, ale lyene umuntu ali wensi angacitwa kuya mololoke pa manso yakwe Leza pakuyela Masunde.

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

Efeso 5:23

Pano iya ali mutwe wa muci. Wakwe vino Klistu ali mutwe wi uvi nupya ali Katuula wakwelyo.

Efeso 5:30

Pano sweswe vilundwa vya mwili wakwe.

Kolose 2:19

Nupya yene yata kulemana pamwi na Klistu, wino ali mutwe wi uvi. Klistu akapeela mwili maka, nupya wene akaomvya vilundwa vyakwe pamwi ni misipa kulundanya vyonsi pamwi, nga ukula ndi vino Leza akalonda kuti ukule.