1 Kolinto 6:11 - Amazwi Yakwe Leza 2013

¹¹ Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

1 Kolinto 6:11 ပူးပေါင်းရင်းမြစ်များ

Masamu 51:2

Mfumizye impulupulu zyane zyonsi pyu.

Masamu 51:7

Umfule na manzi yako, inswepe, umfule nu mwenzo wane uswepe na mpee.

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Ezaya 1:16

Fulalini muikondole. Fumini iviipe inkolelo yane. Tiini ukucita iviipe.

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Aina Levi 14:48

“Lelo ndi lino simapepo wiza ku kuceceta ing'anda pamulandu wa kuvuvuma, wazana ukuti kuvuvuma kutalolike mu ng'anda pacisila ca kutakasa lung'umba, lyene alinzile ukunena umwisikulu wa ng'anda ukuti ng'anda iiswepe pamulandu wakuti kuvuvuma kwatikusila.

Aina Levi 8:6

Lyene Mose aleka kuti Aaloni na ana yakwe iize nkolelo nga nu kufulala.

Mateo 20:4

Alino ayanena ati, ‘Namwe kwene yangini mukaomba mu calo cane ca matingi, nga nani namaiza mulipile kulinga ni cipimo cilingane.’

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Yoane 13:10

Yesu ati, “Uwataowa mwili onsi wene aswefile konsi, nupya atangalonde koowa suka sile kufulala maulu yakwe. Mwensi kwene mwemwe aswepe, suka sile wenga.” (

Yoane 13:8

Petulo avwanga ati, “Utalinzile kufula ingazo zyane.” Yesu amunena ati, “Ndi ntafuzile ingazo zyako ale mu cumi usi wakwane.”

Yoane 5:4

Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]

Milimo 13:39

Mulinzile kumanya vino wensi uwataila munoli wene alaya uwakaele kufuma ku maifyo yonsi yano masunde yakwe Mose yatange yamukulule.

Milimo 22:16

Uzye lyene, ndakai ukulengela uli? Katuka uwatiziwe uswefiwe ku maifyo yako apakwama pi zina lyakwe.’

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Loma 3:24

Lelo pamulandu wa wila wa cikuku cakwe Leza, wene akayalenga kuya aololoke kupitila muli Klistu Yesu wino akayalenga kuya antungwa.

Loma 4:5

Umuntu wino wemelela pa utailo, asi pali vino akaomba, lelo wataila muli Leza wino akataka umuntu wa mulandu kuya uwakaele, wene pa utailo wakwe auno Leza akalola pa kumutaka kuya mololoke pamanso yakwe.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

Loma 8:33

Uzye aweni angapeela asololwe yakwe Leza mulandu?

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 12:2

Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

Galatiya 2:16

Lelo twamanya vino umuntu akacitwa kuya mololoke pa manso yakwe Leza pa utailo wakwe muli Yesu Klistu, lelo asi mu kuyela Masunde. Pano kusi umwi angacitwa kuya mololoke pa manso yakwe Leza mu kuyela Masunde.

Galatiya 3:11

Lyene cili paswe ukuti kusi umwi angacitwa kuya mololoke pa manso yakwe Leza pakuyela sile Masunde, pano nupya calembwa mu malembelo cati, “Suka sile umuntu uwacitwa kuya mololoke pakutaila aliwe alaya nu umi.”

Galatiya 3:24

Acino Masunde yali wa mwangalizi witu. Yene yali akutwangalila kufika nu ku kwiza kwakwe Klistu, pakuti tungacitwa aololoke pa manso yakwe Leza pa kutaila munoli.

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Efeso 5:26

Wene wacisile iuvi kuya ilyamuzilo kupitila mu kuliswefya na manzi nga na mazwi yakwe.

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

2 Tesalonika 2:13

Inane, swemo tulinzile kutaizya Leza insita zyonsi pamulandu winu. Leza wamusolwile kufuma ku utandiko kuti mutuulwe kupitila mu maka a Mupasi Wamuzilo nga na pakutaila kuno mwataila cumi pakuti aleke muye antu yakwe amuzilo.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 2:11

Wene akaswefya antu ku maifyo yao, nga aliwe pamwi na yao aswefiwa yonsi kwene Isi a wenga mpo. Uli mulandu uno Yesu asi ni nsonyi zya kuyama ukuti aina yakwe.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

1 Yoane 2:12

Mwe ana yane, nkumulembela pamulandu wakuti maifyo inu yelelwa mwi zina lyakwe Klistu.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.