1 Kolinto 5:13 - Amazwi Yakwe Leza 2013

¹³ Cili ndi vino calembwa mu malembelo cati, “Zingini umuntu ali wensi mwipe uwa munomuli.”

1 Kolinto 5:13 ပူးပေါင်းရင်းမြစ်များ

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Kasambilizya 9:18

Amano yazipa ukuluta ivyanzo vya nkondo, lelo kaifya wenga angonona ivisuma ivingi.

Mateo 18:17

Ndi wakana kuvwa kunoyali, kanene iuvi. Ndi wakana kuvwa nu kwi uvi kwene, mumucite wa muntu atataila Leza nanti wakwe kasonkisya.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

1 Kolinto 5:2

Uzye lyene mungaitumika uli? Mulinzile kuvwa ulanda pa cintu cii, nu kuzinga umuntu wiyo mu utandano, wino uwacita cintu cii.

1 Kolinto 5:5

mulinzile kupeela muntu wiyo kuli Ciwa pakuti mwili wa muntu wiyo uce ucuziwe, nu mupasi wakwe ukatuulwe pa Wanda uno Mwene Yesu aliiza.

1 Kolinto 5:7

Mulinzile kufumya citutumusi ca mpiti ci iifyo, pakuti muye aswepe muli vyonsi. Lyene mulakolana wa munya wa ngano upya uwaulamo citutumusi nanti cimwi ndi vino mu cumi manyile avino muli. Pano Cimulo citu ca Ucilo cati citeyanyiziwa, nga Klistu, Mwana wa mfwele uwa ucilo watapelwa impolelwa.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Malango 17:7

Nupya yakambone kwene alinzile ukutandikilapo ukumutama na mawe, alino antu nayo yakonkezye. Umu kucita cii ali muno mungaifumizya ulukota luu.

Malango 21:21

Lyene aonsi yonsi amu musumba yalinzile kumutama na mawe mpaka afwe, nga vivyo avino mulasisya inkota pakasi kinu. Cila muntu mu Izlaeli aluvwa icacitika nga aye ni ntete.

Malango 22:24

mulinzile kufumya yoili kwene kunzi ya musumba nu kuyatama na mawe mpaka yafwe. Mukazyana wiyo alinzile ukufwa pamulandu wakuti atapunzile kuti atuulwe, nanti angala wali mu musumba mukasi muno yange yamuvwe. Umonsi nawe alinzile kufwa pamulandu wakuti wene wacisile uzelele na wino yataisya. Mu musango uu amuno mulasisya inkota pakasi kinu.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

Yakapingula 20:13

Lyene letini yakacita yampulupulu amu Gibeya kunotuli pakuti tuyakome nga tusisye inkota ii mu mpanga ya Izlaeli.” Lelo amu mutundu wakwe yakanyile ukuvwa ku yauze aina Izlaeli.