1 Kolinto 4:2 - Amazwi Yakwe Leza 2013

² Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

1 Kolinto 4:2 ပူးပေါင်းရင်းမြစ်များ

2 Yamwene 12:15

Alino nanti ukusakamikwa yatasakamikwe foo, pano antu yano yapiile umulimo wakulolekesya pali vii yali acumi nupya afumaluke.

2 Yamwene 22:7

Lelo antu yaya yakakuula, yene yali antu yamwi afumaluke sana. Ali cino fwandi yatalinzile ukuyuzya umusango uno impiya zikusumbilwamo.”

Mapinda 13:17

Intumi yaufi ikaocesya umuzi, lelo intumi yakutailwa ikaleta umutende.

Mpendwa 12:7

Lelo caiyela lino nkulanda nu muomvi wane Mose. Wene akaikala uwakutailwa muli vyonsi vyamu ng'anda yane.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Mateo 25:23

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

1 Kolinto 4:1

Mwatulola wa yaomvi yakwe Klistu yano apelwa mulimo wakwangalila vya nkama vyakwe Leza.

1 Kolinto 4:17

Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

1 Kolinto 4:3

Ndakai cisi cimwi ndi napingulwa namwe nanti cilye ca milandu. Nanti nemwisikulu nsyaipingula.

1 Kolinto 7:25

Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

Kolose 1:7

Mwasambilile cikuku cakwe Leza kuli Epafula, muomvi unji mukundwe nupya uwacumi wino mucifulo cakwe sweswe akatumikila Klistu.

Kolose 4:17

Munene Akipusi muti, “Sininkizya ukuti waomba mulimo uno walasikwa mukutumikila Mwene.”

Kolose 4:7

Tikikasi, mwina witu mukundwe nupya muomvi wa cumi mukutumikila Mwene pamwi naswe, wene alamunena vyonsi vya pamulandu wane.