1 Kolinto 4:17 - Amazwi Yakwe Leza 2013

¹⁷ Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

1 Kolinto 4:17 ပူးပေါင်းရင်းမြစ်များ

Mapinda 13:17

Intumi yaufi ikaocesya umuzi, lelo intumi yakutailwa ikaleta umutende.

Mpendwa 12:7

Lelo caiyela lino nkulanda nu muomvi wane Mose. Wene akaikala uwakutailwa muli vyonsi vyamu ng'anda yane.

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Mateo 25:23

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Milimo 16:1

Paulo waile ku Debe nu ku Lisitala, kuno wenga pa ataile uwizina lyakwe Timoti wikalanga. Nyina wakwe Timoti nawe kwene wali wenga pa ataile nupya wali u Muyuda. Lelo Isi wene wali u Mugiliki.

1 Kolinto 11:16

Lelo ndu muntu ali wensi akulonda kupazyanya pamulandu wakwe cii, ale cino nemo ningalanda cakuti swemo nanti mauvi yakwe Leza tutakweti lutambi luze lwa mipepele.

1 Kolinto 11:2

Inane nemo nkumutasya pano mukanjiusya lyonsi nu kulondela masambilizyo yano napiile kunomuli.

1 Kolinto 11:34

Wanzala azuka watalya ku ng'anda kwakwe, kuti mutapingulwa na Leza pamulandu wa kukongana kwinu. Lyene milandu yuze ino ntalanzile ndiza njimalile lyuze lino ndiza.

1 Kolinto 14:33

Pano Leza asyalonda cimvulunganya, suka sile kuvwana nu mutende. Ndi vino caya mu mauvi yonsi ya antu yakwe Leza,

1 Kolinto 16:1

Lino mukupoka uwila wakwazwa antu yakwe Leza amu Yudeya, nkulonda kuti mwacita ndi vino nanenyile mauvi amu Galatiya.

1 Kolinto 16:10

Ndi Timoti waca wafika kunomuli, muce musininkizye ukuti mwamuzengela ningo ataca anyinyinzika pano wene akutumikila Mwene, ndi vino nani nkucita.

1 Kolinto 4:14

Nkumulembela cii, asi pamulandu wa kumucita insonyi, lelo apakuti imusambilizye wa akundwe.

1 Kolinto 4:15

Mungaya na yakasambilizya mazimbi ikumi mu wina Klistu winu, lelo mutangaya na yaso aingi, nemo nizile nja wakwe so pa kukosola Ilandwe Lisuma kunomuli.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

1 Kolinto 7:17

Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.

1 Kolinto 7:25

Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.

2 Kolinto 8:18

Pali pamwi na Tito twatuma wenga mwina witu mu utailo wino uwamanyika cuze mu mauvi, mu mulimo uwa kusalanganya Ilandwe Lisuma.

Efeso 6:21

Tikikasi, mwina witu mukundwe nupya muomvi uwa cumi mu mulimo wa Mwene, alamunena vyonsi vya pamulandu nani, kuti mumanye wikazi wane na vino nkucita.

Filipi 2:19

Nkupaalila mu Mwene Yesu ukuti ndatuma Timoti kunomuli zuwa kuti ntekeziwe pa kuuvwa vino muli.

Filipi 2:22

Lelo mweisikulu mumanyile vino Timoti waya ni cumi, na vino wene nani twaombanga pamwi wa mwana ni si pamulandu wi Landwe Lisuma.

Kolose 1:7

Mwasambilile cikuku cakwe Leza kuli Epafula, muomvi unji mukundwe nupya uwacumi wino mucifulo cakwe sweswe akatumikila Klistu.

Kolose 4:9

Wene aliza kuko pali pamwi na Onesimasi mwina witu mukundwe nupya uwa cumi, uwa mwi umba linu. Yene yalamunena vintu vyonsi vino vikucitika kuno.

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

1 Timoti 1:2

Kuli Timoti wino mu utailo witu ali wa mwana kunondi. Leza Tata nu Mwene witu Klistu Yesu akupeele cikuku, mizu, nu mutende.

2 Timoti 1:2

Kuli Timoti, mwanane mukundwe mu utailo. Leza Tata nu Mwene witu Klistu Yesu aye ni cikuku na mizu kunuli, akupeele nu mutende.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,

Tito 1:5

Nakusile mu Kulete, pakuti ulungike vintu ivyali nu kulungikwa. Nupya kuti usolole aikolo akutungulula iuvi muli cila musumba. Iusya vino nakutungulwile. Natile

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.