1 Kolinto 4:15 - Amazwi Yakwe Leza 2013

¹⁵ Mungaya na yakasambilizya mazimbi ikumi mu wina Klistu winu, lelo mutangaya na yaso aingi, nemo nizile nja wakwe so pa kukosola Ilandwe Lisuma kunomuli.

1 Kolinto 4:15 ပူးပေါင်းရင်းမြစ်များ

Mpendwa 11:12

Uzye icumi anene nanyomelile nu kuvyala antu yaa onsi? Fwandi uzye pacani cino ungantazyelela nu kuleka injasende nene mu minwe yane, ungati nene indi kalela wa tunya ututacili tusumuke, lilyo lino nkuyatwala ku mpanga ya ulayo ino walavile ivikolwe vyao?

Loma 15:20

Kulondesya kwane lyonsi ukwakuti nkosole Ilandwe Lisuma mu vifulo vino Klistu atuvwika, pakuti ntakuula pa mufula uno umwi wimba mpiti.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 15:1

Inane, nkansi kumwiusya pamulandu wi Landwe Lisuma lino nakosozile kunomuli. Mwemo mwalipokelile, nga nu utailo winu iukomeleka.

1 Kolinto 3:10

Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

1 Kolinto 3:8

Pasi kupusana pa muntu akata imbezu nga na wino akazikontelela manzi. Leza alalambula cila wenga uwa munotuli kulingana ni milimo ino waomba.

1 Kolinto 9:12

Yauze ndi yakweti nsambu zya kupokelela vintu vii, uzye swemo citalusile? Lelo swemo tutatala twaomvya nsambu ii. Mu cifulo cakwe cico, swemo tukazizimizya mu vintu vyonsi pakuti tutika intanzi mu kukosola kwi Landwe Lisuma lya pamulandu wakwe Klistu.

1 Kolinto 9:14

Mu musango uli onga kwene, Mwene nawe wapela ilamulo lyakuti yao akakosola Ilandwe yalinzile kupelwa vyakulya kufuma mu kukosola kwao.

1 Kolinto 9:16

Ntakweti nsambu ya kuilumba sile pamulandu wa kukosola Ilandwe Lisuma pano Mwene uwampile ilamulo lya kukosola. Kalanda kunondi ndi nsyakukosola Ilandwe!

1 Kolinto 9:18

Uzye lyene malipilo cii yano nkapelwa? Malipilo yane akasita kasuma kakukosola Ilandwe Lisuma kwaula kulifya, nanti kuomvya nsambu zino nakwata mu mulimo wa kukosola ilandwe.

1 Kolinto 9:23

Nkacita vii vyonsi pamulandu wi Landwe, pakuti ningakumako ku kupolelelwa ukwaya mwi Landwe.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Galatiya 3:24

Acino Masunde yali wa mwangalizi witu. Yene yali akutwangalila kufika nu ku kwiza kwakwe Klistu, pakuti tungacitwa aololoke pa manso yakwe Leza pa kutaila munoli.

Galatiya 3:25

Lelo lino umuntu wasambilila kutaila, citangalondekwa kuti nupya Masunde yaye kangalila wakwe.

Galatiya 4:19

Mwe ana yane akundwe! Nupya kwene, wa kuwaika kwa muumbuza, avino nani kwene nkuuvwa pamulandu winu, usuke mwata wakwe Klistu uye munomuli.

2 Timoti 4:3

Insita iliiza lino antu yatalauvwa ku usambilizyo wa cumi. Lelo yene yalalondela vilondwa vyao aisikulu, nupya yalalonda yakasambilizya aingi yano alayazanzya pa kuyanena sile vintu vino yene yakulondesya kuuvwa.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

Filimoni 1:19

Nene nalemba kwi kasa lyane nemwisikulu ukuti ne Paulo ndakulipa (lelo utailila ukuti umi wako inkongole kunondi).

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.