1 Kolinto 3:9 - Amazwi Yakwe Leza 2013

⁹ Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

1 Kolinto 3:9 ပူးပေါင်းရင်းမြစ်များ

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Masamu 72:16

Kamwalukuvula ivyakulya umu mpanga yakwe ni viseekwa vile vivule nu mu myamba kwene. Vyalukuseeka ungati ivyamu Lebanoni. Umu misumba namo antu kayavule, yazuule wisote lya mpanga.

Mapinda 9:1

Amano yakuula ing'anda yakweyo, nga yika ni ncesi zyaiko cinimbali.

Ezaya 32:20

Antu yonsi yalasansamuka wakwe cimwi, apakusyukila amanzi nyanya akumezya nu kukuzya ivilimwa vyao, alino nu kuleka ukuti ing'ombe na yapunda vyaipitila sile, nga nu kuilila ivyeneco.

Ezaya 61:11

Pano ndi wakwe vikwene vino umusili ukamezya imbezu nu kukuzya ivyativimela, ali vino na Yawe kwene akapususya antu yakwe cakuti na antu amitundu yonsi iyamulumbanya.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Ezaya 61:5

Ainamasi ayano yaliza yayacemela amaufyo ya viteekwa vyao nu kuyalimila. Ukwika penepo nu kusunga imiti ya matingi yao.

Yelemiya 2:21

Nemo walanga nakulema wa muti wa matingi uwa mbezu, ulondoloke. Lyene tala lola vino watuya! Uli wa muti wa matingi uole, uwa ciwelewele sile.

Mateo 15:13

Ayanena ati, “Muti onsi uno Tata wa mwiyulu atalemile ulipulwa kumwi ni misisi.

Mateo 16:18

Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Mateo 9:37

Alino anena alondezi yakwe ati, “Uzombozi uukulu cuze, lelo aomvi yati yacepa.

Mako 16:20

Lyene alondezi yapita kuya kosola konsi konsi, nu Mwene wayazwanga, nu kusininkizya ni vilangililo vino kukosola kwao ukwa cumi.]

Milimo 4:11

Yesu ali wino malembelo yakati, ‘Iwe lino mwe yakakuula mwakanyile lyene lyacisilwe iwe lya pitungi lya ng'anda.’

1 Kolinto 3:16

Cumi mwemo mwamanya vino mwemwe Ng'anda ikulu yakwe Leza nga na vino Mupasi Wamuzilo akaikala munomuli.

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Kolose 2:7

Ikini misisi munoli, nu kuleka kuti wene aye mufula wa umi winu. Muye akomeleke mu utailo winu, wakwe vino mwasambiliziwe. Nupya mulinzile kutaizya cuze.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

3 Yoane 1:8

Swe ina Klistu, lyene tulinzile ukwazwa antu yaa pakuti tukumeko ku mulimo wao uwa kusalanganya ilandwe.