1 Kolinto 3:8 - Amazwi Yakwe Leza 2013

⁸ Pasi kupusana pa muntu akata imbezu nga na wino akazikontelela manzi. Leza alalambula cila wenga uwa munotuli kulingana ni milimo ino waomba.

1 Kolinto 3:8 ပူးပေါင်းရင်းမြစ်များ

Masamu 62:12

alino ni cakuti we Leza, uluse lwako ulwamuntaputuka. Icacumi, we Mwene, ala ukapeela icilambu uku muntu ukulingana ni vicitwa vyakwe.

Mapinda 27:18

Wiyo akasakamala umusamvu, aliwe akalya amasamvu. Na wiyo akawaka umusambazi wakwe, nawe akapelwa umucinzi.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Luka 19:19

Mwene wakwe amunena ati, ‘Umaya kangalila wa misumba isano.’

Loma 2:6

Pano Leza alalambula cila muntu kulingana ni milimo yakwe.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

1 Kolinto 3:14

Ndi cico icakuzilwe pa mufula citalapya mu moto, ale lyene kakuula wakweco alapokelela cilambu.

1 Kolinto 3:7

Muntu wino akata imbezu nanti wiyo akakontelela, oili yasi cimwi. Cikalamba u kusakamala kwakwe Leza, wino akalenga kuti vimelwa vikule.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

1 Kolinto 4:15

Mungaya na yakasambilizya mazimbi ikumi mu wina Klistu winu, lelo mutangaya na yaso aingi, nemo nizile nja wakwe so pa kukosola Ilandwe Lisuma kunomuli.

1 Kolinto 9:7

Uzye musilika cii wino akaizanila umwisikulu vilondwa vyakwe? Uzye mulimi cii wino asyalya vilyo kufuma mu calo cakwe? Uzye mucemi cii asyaomvya iziya kufuma ku viteekwa vyakwe?

Galatiya 6:4

Cila muntu aicecete pa vicitwa vyakwe. Ndi visuma, lyene angaya ni cilumba pali vino umwisikulu watacita, kwaula kukolanya ni vintu vino umuze wacita.

Galatiya 6:5

Pano umuntu wensi alinzile kuisendela cisendo cakwe umwisikulu.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

2 Yoane 1:8

Cenjelini kuti mutaponzya cino mwaombela. Lelo mwezye na maka kuti mukapoke icilambu icipuma.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Umbwilo 22:12

Yesu akuti, “Uvwini!” Nkwiza zuwa! “Ndiza ni vilambu vyakupeela cila muntu kulingana na vino waomba.