1 Kolinto 3:5 - Amazwi Yakwe Leza 2013

⁵ Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

1 Kolinto 3:5 ပူးပေါင်းရင်းမြစ်များ

Mateo 25:15

Wayapile impiya kulingana na vino cila wenga angaziomvya. Kuli wenga apeela impiya mazimbi yasano, na kuli wakwe ciili apeela impiya mazimbi yaili, alino na kuli wakwe citatu apeela impiya izimbi lyonga. Alino apita pa lwendo lwakwe.

Luka 1:2

Antu yaa yalemba vino tuvwile kuli yakambone aviweni kufuma ku utandiko, yano ali yakakosola.

Yoane 3:27

Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Milimo 18:24

Muyuda umwi, wi zina lyakwe Apolo, uwavyalilwe ku musumba wa Alekizandilya aiiza ku Efeso. Wali mucenjele mu kuvwanga nupya wamanyikisye na malembelo.

Milimo 19:1

Lino Apolo wali mu Kolinto, Paulo apita ukusalala mpanga pakasi aiiza ku Efeso. Kuko azanako alondezi yamwi nga

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 16:12

Lyene pamulandu wakwe Apolo, nemo nezya na maka kumukomelezya kuti wene pamwi na ina yauze yace yamutandalile. Lelo wene asikulonda kwiza ndakai. Lelo lino alakwata kasita kamwi kasuma, alino aliza kuko.

1 Kolinto 3:10

Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

1 Kolinto 3:22

Paulo, Apolo, nga na Petulo, insi ii ya pansi, umi nanti imfwa, ivilipo ndakai nga ni viliza, vii vyonsi ivya kwinu,

1 Kolinto 3:7

Muntu wino akata imbezu nanti wiyo akakontelela, oili yasi cimwi. Cikalamba u kusakamala kwakwe Leza, wino akalenga kuti vimelwa vikule.

1 Kolinto 9:17

Ndi nkukosola pamulandu wakuti nkulonda kukosola, ale lyene ndalipilwa. Lelo nkacita cii pa kwangalilwa, pano Leza wandasika mulimo uu.

2 Kolinto 11:23

Uzye yene aomvi yakwe Klistu? Nemo nkuvwanga wakwe cipena, lelo nemo nene muomvi wino alusile yaya. Naombesya kuluta alio, nupya nayalilwe mu ng'anda ya minyololo maila aingi kuluta alio. Nanyambozilwe maila aingi kuluta alio nga lyonsi nali mu uzanzo wa kufwa.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

2 Kolinto 3:6

Aliwe kwene akatupeela maka akutumikila mu upangano upya. Upangano uu usi pa masunde yano alembwa, lelo pa Mupasi Wamuzilo. Masunde yano alembwa yene yakaleta imfwa, lelo Mupasi Wamuzilo wene akapela umi.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

2 Kolinto 5:18

Leza aliwe uwacita vii vyonsi. Wene watumile Klistu kupanga mutende pakasi kakwe Leza naswe, nupya watupela mulimo uwa kupanga mutende pakasi kakwe umwisikulu na antu.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

2 Kolinto 6:4

Lelo mu vintu vyonsi vino tukacita tukalanga ukuti mu cumi sweswe aomvi yakwe Leza. Lyonsi tukateeka myenzo nu kuzizimizya nanti tukweti intazi zingi, ucuzi nga nu kutitikiziwa.

Efeso 3:7

Nemo Leza wancisile muomvi wi Landwe Lisuma kupitila mu wila wakwe uiyele uno wampile mu kuomba kwa maka yakwe.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:25

Leza uwancita kuya muzya wi uvi, nupya uwampile mulimo uu pamulandu winu kuti mbombe nde nkosole izwi lyakwe.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.