1 Kolinto 3:3 - Amazwi Yakwe Leza 2013

³ pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

1 Kolinto 3:3 ပူးပေါင်းရင်းမြစ်များ

Oseya 6:7

“Lelo antu yayo yavuna upangano wane ndi vino Adamu wacisile. Kuku kwene, yene yatali acumi kunondi.

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

1 Kolinto 1:11

Pano antu yamwi kufuma ku amu ng'anda yakwe Koloe yatiyanena paswe ukuti pakasi kinu pali kulemanila.

1 Kolinto 11:18

Nkolelo, nanenwa ukuti mukweti maumba akucita kupaatukana mu kukongana kwinu. Nupya ninsininkizya ukuti vimwi vino nuvwa ivya cumi.

1 Kolinto 3:4

Lino umwi uwa munomuli wati, “Nemo nkalondela Paulo,” nga namuze ati, “Nemo nkalondela Apolo,” uzye ale micitile inu isi wa micitile ya antu amu nsi?

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Galatiya 5:15

Lelo ndi micitile inu yaya wa micitile yanyama, kulwisyanya nu kucisana, mucenjele pano limwi mungasila kuyonona.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 3:16

Konsi kuno antu yakazuwilana nu kuitemwa, kwene kwaya cimvulunganya ni misango yonsi iipe.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.