1 Kolinto 3:15 - Amazwi Yakwe Leza 2013

¹⁵ Lelo ndi cilapya mu moto, ale lyene kakuula wakweco atalapokelela cilambu, lelo umwisikulu wene alatuulwa wa muntu akuutuka kufuma mu moto.

1 Kolinto 3:15 ပူးပေါင်းရင်းမြစ်များ

Yobo 23:10

Lelo kwene Leza wamanya imipitile yane yonsi. Ndi cakuti angatemwa ukumvukuta umwi lungu, awe cumi angalola sile kuno niza nafuma mpee, wakwe zaabu.

Masamu 66:10

We Leza, ala watwezya, watusambula wakwe vino yakaengulula siluva umu moto.

Masamu 66:12

Wewe walesile na anisi itu yatulyatola apa mitwe. Swemo twapita umu manzi nu mu moto, wasuka pakusyalikizya watuleta mu cifulo ca vintu ivivule.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Zakaliya 3:2

Alino umungeli wakwe Yawe anena Satana ati, “Si Yawe angala akupezye! Yawe uwasolwile Izlaeli, aliwe akukalipile! Uzye umuntu wiyo asi sile wa cisonsololwa cino yasompwile apa moto?”

Milimo 27:21

Pacisila lino antu iikala nsita ntali kwaula cakulya, Paulo aimilila pakasi kao avwanga ati, “Mwe antu, mwakanyile munguvwe pakuti mutafuma ku Kulete. Lyene nga twalewike ukononeka kuu nu kuponzya kwa vyuma.

Milimo 27:44

Na yauze yalondele, ale yati yalemelela ku mbao nanti ku tupimfya twa wato. Vii, vili vino swensi twafumile ku nkumba mu mutende.

1 Petulo 4:18

Cili ndi vino calembwa mu malembelo cati, “Ndi antu akacita vyawololoke cilayatalila kutuulwa, uzye lyene cilaya uli ku antu akaifya nupya asyacindika Leza?”

2 Yoane 1:8

Cenjelini kuti mutaponzya cino mwaombela. Lelo mwezye na maka kuti mukapoke icilambu icipuma.

Yuda 1:23

Tuulini nu kusompola yamwi yataponela mu moto. Na kuli yamwi Muye na mizu nga ni ntetepo. Lelo sokini miyele yao ni vizwalo vyao kwene ivyakoweziwa ni vya lunkumbwa lwao lwipe.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.