1 Kolinto 3:10 - Amazwi Yakwe Leza 2013

¹⁰ Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

1 Kolinto 3:10 ပူးပေါင်းရင်းမြစ်များ

2 Milandu 2:12

Nga Hilamu alundapo ukuvwanga ati, “Alumbanyiwe Yawe, Leza wa ina Izlaeli, kaumba uwiyulu ni nsi! Wapeela umwene Davidi umwanakwe uwa mano wiyo uwakwata amalango yakwiluka. Nupya fundi akweti amapange a kukuulila Yawe Ng'anda ikulu ni sano lyakwe umweneco.

Kufuma 36:4

Lyene yafundi ya milimo yonsi yano yaombanga imilimo ya kukuula Itaalu lyamuzilo, umuntu wensi kulingana na vino wamanya, yasya imilimo yao,

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

Mapinda 9:1

Amano yakuula ing'anda yakweyo, nga yika ni ncesi zyaiko cinimbali.

Kasambilizya 12:9

Pamulandu wakuti kasambilizya wali uwamano, wene wakonkomizye antu vino wamanyile. Wasambilile imvwango nu kulondelezya nga azana icumi muno zili.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Zakaliya 4:9

“Zelubabeli watatandika ukukuula umufula wa Ng'anda kwene ii ikulu, nu kumala ali wino alamala. Lino Ng'anda iyo ilasila, alino antu yane yalasininkizya ukuti fwandi nene Yawe Wamaka yonsi nakutumile kuno yali.

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mateo 7:24

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

Luka 11:35

Caleka cenjelini, kuti luswepo luli munomuli lutasenuka luye mfinzi.

Luka 21:8

Yesu ayanena ati, “Cenjelini, mutaponziwa, pano antu aingi yalizila mwi zina lyane nu kuti, ‘Nene ndi Katuula uwalavilwe.’ Nga nu kuti ‘Insita yatifika!’ Lelo mutakayalondele.

Milimo 18:27

Lino Apolo watemwa kuya ku Akaya, aina amu Efeso yamukomelezya yalemba na kalata ku ina aku Akaya, yayanena kuti yakamuzengele. Lino wafisileko, wali akazwa mukalamba kuli yano ataile Klistu kupitila mu cikuku cakwe Leza.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 15:15

Lelo muli kalata wii napama pa kulemba pa milandu imwi ino nati imwiusya. Napama pamulandu wi syuko lino Leza wampela,

Loma 15:20

Kulondesya kwane lyonsi ukwakuti nkosole Ilandwe Lisuma mu vifulo vino Klistu atuvwika, pakuti ntakuula pa mufula uno umwi wimba mpiti.

1 Kolinto 3:11

Pano Leza wimba mpiti mufula onga sile, nu mufula uu, a Yesu Klistu nga kusi mufula na uze uno ungimbwa.

1 Kolinto 9:2

Nanti angala yamwi yatanzumila kuya mutumwa, cumi kwene mwemo mwanzumila! Pano umi winu muli Klistu ali kambone wakuti nene mutumwa.

2 Kolinto 10:15

Swemo tusyaitumika pali vino yauze yacita, kwati limwi sweswe twacita vintu vivyo sweisikulu. Lelo tukupaalila ukuti utailo winu ungakulilako nga nu kuti swemo tulakwata maka akuomba mulimo ukulu cuze pakasi kinu, kulinga ni cipimo cino Leza wika.

Efeso 2:20

Mwemo mukoline wa cikulwa cino mufula wakweco atumwa na yakasema, nga Klistu nawe ali iwe lya pitungi.

Kolose 1:29

Pakuti cii cicitwe nemo nkuomba nu kulwisya, ala nkuomvya maka yano Klistu akampeela, nupya yano yakuomba munondi.

Kolose 4:17

Munene Akipusi muti, “Sininkizya ukuti waomba mulimo uno walasikwa mukutumikila Mwene.”

1 Tesalonika 3:2

nu kutuma Timoti mwina witu kunomuli. Wene pamwi naswe akatumikila Leza pa kukosola Ilandwe Lisuma lya pali Klistu. Twamutumile kwiza mukomelezya nga nu kukomya utailo winu,

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

2 Timoti 2:15

Cita cino ungacita kufikapo pakuti uvwangilwe visuma pa manso yakwe Leza, wa muomvi wino asi ni nsonyi pa mulimo wakwe, nupya wino akasambilizya ningo ilandwe lya cumi cakwe Leza.

Yakobo 3:1

Inane, aingi munomuli yatalinzile kuya yakasambilizya. Mwamanya ukuti swe yakasambilizya tulapingulwa nu kucecetwa cuze kuluta yauze.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.

Umbwilo 21:14

Ilinga lya musumba lyakuuzilwe pa mufula uwa mawe ikumi na yaili, pano palemvilwe mazina ya atumwa ikumi na yaili a Mwana wa Mfwele.

Umbwilo 21:19

Mawe amufula wa musumba ukulu yayemviwe ni misango yonsi ya mawe amutengo. Iwe lya mufula lyankolelo lyali a yaspele, na lyakwe cili a safilo. Ilyalenga yatatu a agate, lyalenga yani a emalodi