1 Kolinto 2:7 - Amazwi Yakwe Leza 2013

⁷ Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

1 Kolinto 2:7 ပူးပေါင်းရင်းမြစ်များ

Masamu 78:2

Nemo namamunena kuno ivyampiti vyalola, nu kumulondolwela intazi ino vyakwata,

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 13:35

Cii cacitike pakuti cifikiliziwe cino kasema wavwanzile ati, “Ndavwanga kunoyali mu milumbe, Ndasokolola vintu vino vyafiswa kufuma ku utandiko wa nsi.”

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

1 Kolinto 2:1

Inane, lino nizile kunomuli ku kukosola nkama ya cumi yakwe Leza, ntaomvizye mazwi azike nanti kuvwika mucenjele mu mivwangile.

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Ayebulai 11:3

Mu utailo amuno twamanya ukuti uumbo onsi waumvilwe kwi zwi lyakwe Leza, cakuti vikaloleka vyacisilwe kufuma mu vintu vino vitangaloleka.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

2 Petulo 1:3

Leza mu maka yakwe watupeela vyonsi vikalondekwa kuti mucumi twikale umi uwa kupepa. Cii cacitika apa kumanya kuno twamanya wiyo uwatwama kuti tukume ku lulumbi nga nu ku usuma wakwe.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.