1 Kolinto 2:4 - Amazwi Yakwe Leza 2013

⁴ Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

1 Kolinto 2:4 ပူးပေါင်းရင်းမြစ်များ

Mapinda 20:19

Uwa lwambo akasapula inkama. Utapita nu wa ukwakwa.

Mapinda 7:21

Fwandi avino amutunka apa kumukolopezya vivyo, amukwetela ing'anda kasi apa kumuongola kwakwe apa kanwa.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Ezekelo 13:6

Yakalola ivya uwelewele nu kusowela ivya ntumpu zitupu, ala yakuti nu kuti, ‘Ivyalanda Yawe,’ nalino Yawe atayatumile foo. Nga yataila nu kuti amazwi yao yangafikiliziwa.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 26:28

Agilipa auzya Paulo ati, “Uzye ukwelenganya ungampindulula kuti inje mwina Klistu mu kasita kwene kaa kanono?”

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

1 Kolinto 1:17

Klistu atantumile ku kuwatizya. Wene wantumile ku kukosola Ilandwe Lisuma kwaula kukovyanya mazwi, yano angalenga kuti imfwa yakwe Klistu ya pa lupanda itaya na maka.

1 Kolinto 2:1

Inane, lino nizile kunomuli ku kukosola nkama ya cumi yakwe Leza, ntaomvizye mazwi azike nanti kuvwika mucenjele mu mivwangile.

1 Kolinto 2:13

Caleka lyene, mazwi yonsi yano tukavwanga twasambiliziwe na Mupasi Wamuzilo, asi mano ya antu. Mupasi Wamuzilo kwene wii, aliwe akatwazwa kusambilizya vintu vya Mupasi ku antu ali nu Mupasi.

1 Kolinto 4:20

Pano mu Wene wakwe Leza asi kulandikisya sile mazwi, lelo ukuomba.

2 Kolinto 6:6

Tukailanga nupya ukuya aomvi yakwe Leza mu kuswepa kwa myenzo itu, mukumanya vya cumi, mu kuteeka myenzo, nu mukuya nu luse na Mupasi Wamuzilo, nga nu kutemwa kuno twakwata ukwa cumi,

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

Kolose 2:4

Nkumunena, lyene, mutaleka umuntu umwi amutumpoke na mazwi antumpu, nanti angala yanguvwika kuya acumi.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

2 Petulo 1:16

Kutali ukulaika utulai lino twamunenanga ivya maka nu kuwela kwa Mwene witu Yesu Klistu. Na manso itu twaweni ukulu wakwe.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Yakapingula 14:15

Pa wanda uwalenga yani iyanena umuci wakwe Samusoni yati, “Si zembeleka uwako akunene ivyakucolokola kunotuli, ndi cisi vivyo tumakoca kumwi na ang'anda yakwe so mpaka mufwe. Uzye fwandi watwamile kuno kuti wize utwiye ivyuma?”

Yakapingula 16:5

Intunguluzi zya ina Filisti ziza kunoli izimunena iziti, “Uce umulyombeleke ukezye ukuzana kuno amaka yakwe yafuma, na vino tungacita pakuti tumutonsye nu kumunyepa pakuti tukapoke amaka yakwe. Cila wenga uwa munotuli tulakulipa impiya zyakwe siluva ukulingana ni zimbi nu mwanda onga.”