1 Kolinto 2:15 - Amazwi Yakwe Leza 2013

¹⁵ Muntu wensi akweti Mupasi Wamuzilo, wene angapingula umpomvu wa vintu vyonsi. Lelo kusi umuntu wino angamupingula.

1 Kolinto 2:15 ပူးပေါင်းရင်းမြစ်များ

2 Samueli 14:17

“Nupya natinelenganya ukuti amazwi ya musambazi yangantekezya umwenzo, pano we musambazi uli wa mungeli wakwe Leza. Wamanya ivintu vyonsi nupya ungalekanya pakasi ka visuma ni nkota. Si Yawe Leza wako aye nawe.”

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Kasambilizya 8:5

Wensi wino akayela malamulo akaya uwakaele insita zyonsi. Umuntu wamano akamanya insita ni nzila yakucitilamo ivintu vyonsi.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Milimo 16:3

Paulo walondanga kuti Timoti amusukilile, caleka wamusilamwile. Wacisile cii pano Ayuda yonsi atenzi mu vifulo vivi yamanyile vino isi wakwe Timoti wali u Mugiliki.

1 Kolinto 14:37

Ndi cakuti umuntu umwi akutunganya ukuti wene akasema, alinzile kumanya ukuti vino nkumulembela, ilamulo ilyafuma ku Mwene Leza.

1 Kolinto 3:1

Inane, nemo ntavwanzile kunomuli ndi vino nkavwanga ku antu ali na Mupasi Wamuzilo. Navwanzile kuno muli wa antu amu nsi ali wa ana anono mu utailo muli Klistu.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Kolose 1:9

Pamulandu kwene uu swemo tukamupepela, kufuma pa wanda uno tuvwile vya pali mwemwe. Tukulenga Leza kuti amupeelesye umanyililo wa kucita kulonda kwakwe, mu mano yonsi nu kuvwikisya vino Mupasi Wamuzilo akapela.

1 Tesalonika 5:21

Mwaezya vintu vyonsi, musolole visuma,

Ayebulai 5:14

Mukulanda kuze tumati vyakulya vikome ivya antu aikolo, yano asambiliziwa ningo kupalula visuma ni viipe.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.