1 Kolinto 16:18 - Amazwi Yakwe Leza 2013

¹⁸ Yene yandenzile kuvwa ningo kuluta, wakwe vino namwe yamulenzile kuvwa ningo. Antu ali ndi yaa mulinzile kuyataizya.

1 Kolinto 16:18 ပူးပေါင်းရင်းမြစ်များ

Mapinda 25:13

Ivyaya ukuzuka kwakwe cuma umu nsita yakusinza, ali vino inkombe yacisinka yaya kuli wiyo aitumile. Pano ikakolopezya umwenzo wa musambazi wakwe.

Mapinda 25:25

Ukuvwa ilyasi lisuma ukufuma uku mpanga ntali, cili wa kumwa manzi azuuke ku muntu ali nu lusala.

Loma 15:32

Acino lyene Leza ndi akasi ndiza kunomuli nu luzango cuze, nga ndatemwa pa kumutandalila nupya.

2 Kolinto 7:13

Acino naswe twakomeleziwe cuze. Nu kuluta pa kukomeleziwa, catuzanzizye cuze pakulola vino Tito wali nu luzango pano mwensi mwamupile nsansa lino wali namwe.

Kolose 4:8

Uli mulandu uno nkumutuma kunomuli, kuti amukomelezye pa kumunena pamulandu wa wikazi witu vino uli.

1 Tesalonika 5:12

Tukumupapata mwe ina itu, kuti mwacindika yao akaomba pakasi kinu, yano akamutungulula muli vino mulinzile kwikala wa ina Klistu.

Filimoni 1:20

Caleka mwinane, nakupapata uncitile uwazwilizyo pamulandu wa Mwene. Wa mwina muli Klistu, wemo ulinzile kunsansamusya!

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

3 Yoane 1:4

Kusi cuze icikanzanzya kuluta pakuvwa ukuti ana yane yakayela icumi.