1 Kolinto 15:54 - Amazwi Yakwe Leza 2013

⁵⁴ Lino mili itu ino ikaola ilasenulwa iye itangaola, na lino mili itu ino ikafwa ilasenulwa iye itangafwa, alino lyene malembelo yalafikiliziwa yano yakati, “Imfwa yati cimviwa!”

1 Kolinto 15:54 ပူးပေါင်းရင်းမြစ်များ

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Luka 20:36

Pano yene yalakolana wa angeli, nupya yatangafwa. Yene ana yakwe Leza, pano yene yalazyukuka kufuma ku afwe.

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Loma 6:12

Caleka mutaleka maifyo yateeka mu mili inu ino ili nu kufwa, nu kulenga kuti mwalondela ulunkumbwa lwa untunze winu.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

2 Kolinto 4:11

Swemo tuli aumi lelo pamulandu wakwe Klistu lyonsi twaya mu uzanzo wa mfwa. Pakuti umi wakwe Klistu waloleka mu mili itu ikafwa.

2 Kolinto 5:4

Swemuno tuli mu mutanda uu tukanyomelwa nupya tukateta. Tusyalonda kusya mili ino ilafwa, lelo tukalonda kuzwalilapo yuze ino italatala ifwe. Pakuti icikafwa cizimiwe ni cisyafwa.

2 Tesalonika 1:10

Cii cilacitika pa wanda ulya lino Mwene aliza kuti apelwe lulumbi ku antu yakwe yonsi nga nu mucinzi kufuma kuli yonsi ataila. Namwe kwene mulapendelwako, pano mwataile vino twamunenyile.

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”