1 Kolinto 15:5 - Amazwi Yakwe Leza 2013

⁵ Nupya aloleka kuli Petulo nga nu ku atumwa yonsi ikumi na yaili.

1 Kolinto 15:5 ပူးပေါင်းရင်းမြစ်များ

Mako 16:14

Pacisila Yesu aloleka ku alondezi ikumi na wenga ala yatenzi yakulya pa cipango. Ayasinkola, pa kuntataila kwao na pa kukoma kwa myenzo yao, pano yatataile yano amuweni lino wazyukwike.

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Milimo 10:41

kusi ku antu onsi, suka sile sweswe, swe muno Leza wasolwile mpiti kuya yakambone yakwe. Kuli kuti walolekile kuli sweswe swe muno twalile nu kumwa pamwi nawe pacisila cakuzyukuka kwakwe kufuma ku mfwa.

1 Kolinto 1:12

Manye kandande ndi vii, cila muntu munomuli akulanda cimwi cipusane. Umwi ati, “Nemo nkalondela Paulo,” muze nawe ati, “Nemo nkalondela Apolo,” muze nawe ati, “Nemo nkalondela Petulo,” muze nawe ati, “Nemo nkalondela Klistu.”

1 Kolinto 3:22

Paulo, Apolo, nga na Petulo, insi ii ya pansi, umi nanti imfwa, ivilipo ndakai nga ni viliza, vii vyonsi ivya kwinu,

1 Kolinto 9:5

Cila muntu muno tuyelile akweti nsambu zya kusenda muci wakwe mwina Klistu pa lwendo, ndi vino atumwa nga na ina ya Mwene pamwi na Petulo yakacita.