1 Kolinto 15:47 - Amazwi Yakwe Leza 2013

⁴⁷ Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

1 Kolinto 15:47 ပူးပေါင်းရင်းမြစ်များ

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Luka 2:11

Ilelo kwene mu musumba wakwe Davidi watavyalwa kunomuli Katuula, wino ali a Klistu Mwene.

Yoane 3:31

Wino uwafuma kwiyulu wene waluta onsi. Uwafuma mu nsi wene uwamu nsi, nupya akavwanga pali vino vikacitika mu nsi. Lelo wino uwafuma kwiyulu wene waluta onsi.

Yoane 6:33

Pano cakulya cino Leza akapeela awiyo uwafuma kwiyulu, wino akapeela umi ku antu amu nsi onsi.”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

1 Kolinto 15:46

Twalola ukuti wiyo uwakweti mwili uwa u mupasi atizile nkolelo. Wene wizile pacisila cakwe wiyo uwakweti mwili wa untu

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.