1 Kolinto 15:29 - Amazwi Yakwe Leza 2013

²⁹ Uzye lyene tumati uli pali yano akawatiziwilwa afwe? Uzye yene yakupaalila kucita cani? Ndi cakuti cili icacumi, wakwe vino yamwi yakalanda ukuti afwe yasizyukuka, uzye pacani cino antu yaya yakawatiziwilwa afwe?

1 Kolinto 15:29 ပူးပေါင်းရင်းမြစ်များ

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Mateo 3:6

Yene yailongwelanga maifyo yao, nga nawe ayawatizya mu luzi lwa Yodani.

1 Kolinto 15:16

Ndi afwe yasyazyukuka, ale lyene na Klistu kwene atazyukwike.

1 Kolinto 15:28

Lelo lino vintu vyonsi vyatekwa na Klistu, lyene Mwana umwisikulu alaleka kuti Isi amuteeka, wino uwamucita kuya kateeka wakwe vyonsi.

1 Kolinto 15:30

Uzye naswe, ndi avino cili, tungaikala uli mu uzanzo nsita zyonsi?

1 Kolinto 15:32

Uzye mukwelenganya nemo nalonka cani pa kulwisyanya ni vilyanyi muno mu Efeso? Ndi afwe yatalazyukuka, lyene lekini twacita ndi vino calandwa, “Lekini twamwa nu kulya, pano mutondo tulafwa.”