1 Kolinto 15:27 - Amazwi Yakwe Leza 2013

²⁷ Pano calembwa mu malembelo cati, “Watu wika vintu vyonsi pisika lya ngazo zyakwe.” Camanyika ningo ukuti mazwi yakuti “Vintu vyonsi” yatalemenkinyeko Leza umwisikulu uwalenzile kuti Klistu acimvye vintu vyonsi.

1 Kolinto 15:27 ပူးပေါင်းရင်းမြစ်များ

Masamu 8:6

Wamupile na maka akuteeka vyonsi vino waumba. Wamucita na musika apa vintu vyonsi.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Yoane 3:35

Isi watemwa Mwana wakwe, nupya wamupeela maka pali vyonsi.

Efeso 1:20

na yano Leza waomvizye lino wazyukwile Klistu kufuma ku afwe nga amwika kwi kasa lyakwe lilunji mwiyulu.

Efeso 1:22

Leza wika vintu vyonsi pisika lya maka yakwe Klistu, nga pamulandu wa kuzipilwa kwi uvi, wene wamucita kuya Mwene pali vyonsi.

Ayebulai 1:13

Leza atatazile anena umwi uwamu angeli yakwe ati, “Ikala kwi kasa li lunji lyane kufika lino ndakucimvizya anisi yako yaye wa cilimba ca ngazo zyako!”

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 2:8

na kuti ateeke vintu vyonsi.” Lelo cikalandwa ukuti Leza wacisile umuntu kuya kateeka pa vintu vyonsi. Cii cikulanga paswe ukuti kusi cimwi icasyala. Lelo nanti cingaya vivyo na ndakai tutali tulole ukuti umuntu a kateeka pa vintu vyonsi.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.