1 Kolinto 15:24 - Amazwi Yakwe Leza 2013

²⁴ Alino mpelelekezyo iliiza nga Klistu ale watacimvya mawene yonsi, mauteko yonsi na maka yonsi, nga pacisila apeele Uwene kuli Leza Tata.

1 Kolinto 15:24 ပူးပေါင်းရင်းမြစ်များ

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Danieli 12:13

“Nga nawe, we Danieli, ulinzile kuya wacumi kufika nu kumpela. Alino lyene ulafwa, lelo apa mpela ya nsita ulazyukuka kuti upokelele caupyanyi cako.”

Danieli 12:4

Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Danieli 12:9

Nawe pali pakwasuka ati, “We Danieli, ulinzile kupita, pamulandu wakuti amazwi yaa yalinzile kusungwa inkama nu kufiswa mpaka uku mpela ya nsita.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Mateo 10:22

Onsi yalamupata pamulandu wane. Lelo wino wensi alaposya kufika nu ku mpelelekezyo, wene alatuulwa.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 24:13

Lelo wino wensi alaposya kufika nu ku mpelelekezyo wene alatuulwa.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Luka 10:22

“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”

Yoane 13:3

Yesu, wamanyile vino Isi wamupeela maka yonsi, na vino wafumile kuli Leza nga nupya ali nu kuswilila kuli Leza.

Yoane 3:35

Isi watemwa Mwana wakwe, nupya wamupeela maka pali vyonsi.

Loma 8:38

Pano ninsininkizya ukuti kusi nanti cimwi icingatupaatukanya ku kutemwa kwakwe Leza, cingaya imfwa, nanti umi, angeli, nanti mipasi, nanti vintu vya ndakai nanti vikwiza.

Efeso 5:20

Mwi zina lya Mwene witu Yesu Klistu, mwataizya Leza Tata lyonsi pa vintu vyonsi.

Kolose 2:10

nupya mwemo mwapelwa umi umalilike muli aliwe. Wene alusile mipasi nga na maka yonsi asyaloleka.

Kolose 2:15

Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.

1 Timoti 6:15

Klistu alaloleka pa nsita ino Leza wateyanya, Leza uwapolelelwa wenga sile ali kateeka. Wene Akateeka wakwe yakateeka nupya Mwene wakwe yamwene onsi.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.