1 Kolinto 15:20 - Amazwi Yakwe Leza 2013

²⁰ Lelo cumi Klistu wazyukuka kufuma ku afwe! Nupya akusininkizya kunotuli ukuti yauze nayo kwene yalazyukuka kufuma ku afwe.

1 Kolinto 15:20 ပူးပေါင်းရင်းမြစ်များ

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

1 Kolinto 15:23

Lelo cila muntu alazyukuka pa nsita yakwe. Klistu uwali uwankolelo kuzyukuka, nga antu yakwe nao yalazyukuka lino alawela.

1 Kolinto 15:6

Alino nupya aloleka ku alondezi yakwe yonsi pamwi kuluta impendwa kulingana myanda isano. Aingi pali yaa yacili aumi, nanti angala yamwi munoyali yafwa.

Kolose 1:18

Wene ali mutwe wa mwili wakwe, nga mwili kwene uu, iuvi. Wene ali ntulo ya umi wa mwili. Wene ali yeli lyakwe Leza nupya uwazyukwike kufuma ku mfwa, pakuti aliwe wenga sile akwate cifulo cankolelo pali onsi.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”