1 Kolinto 15:10 - Amazwi Yakwe Leza 2013

¹⁰ Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 15:10 ပူးပေါင်းရင်းမြစ်များ

Mateo 10:20

Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Mateo 25:16

Muomvi uwaposile impiya mazimbi yasano apita lilyo kwene, atandika kuziomvya azanilapo nazyuze mazimbi yasano.

Loma 11:1

Lyene nuzye, uzye Leza wafutatila antu yakwe? Awe, cumi kwene citangaya vivyo. Pano nani kwene nene mwina Izlaeli, wamu mupanda wakwe Abulaamu, nupya nene uwamu mutundu wakwe Benjamini.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

1 Kolinto 15:11

Lelo cisi cimwi ndi cakuti kukosola kuu kwafumile kunondi nanti kunoyali. Mwensi kwene mwataile ilandwe mu musango uli onga kwene.

1 Kolinto 15:2

Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.

1 Kolinto 3:10

Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 3:5

Tutakweti nsambu zyakulanda ukuti twati tucita cintu cili consi swenga pa lwitu. Leza uwatupela maka akucita vyonsi vino tukacita.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Galatiya 2:8

Pano kupitila mu maka yakwe Leza nacisilwe kuya mutumwa ku Akulukuwa, wakwe vino Petulo wacisilwe kuya mutumwa ku Ayuda.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Filipi 4:13

Klistu wampeela maka akulungatana ni miyele ili yonsi.

1 Tesalonika 5:12

Tukumupapata mwe ina itu, kuti mwacindika yao akaomba pakasi kinu, yano akamutungulula muli vino mulinzile kwikala wa ina Klistu.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.