1 Kolinto 14:8 - Amazwi Yakwe Leza 2013

⁸ Nupya ipenga ndi lyalila kwaula kuvwika ningo, uzye aweni angaiteyanya kuya ku kulwa kwa vita?

1 Kolinto 14:8 ပူးပေါင်းရင်းမြစ်များ

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Mpendwa 10:9

Lyonsi lino mulaya umu nkondo mu mpanga inu, lino mukuipokolola ku anisi inu yano yatiyamuzanza, muce mulizye sile intandala zya nkondo. Lyene Yawe Leza winu atalamwilila, lelo alamutuula ku anisi inu.

1 Kolinto 14:7

Ndi vintu vino vitakwata umi, ivili wa mitolilo nanti mazeze vyalila, uzye mungamanya uli kupusana kwa kulila kwakwevyo? Ndi kalizya asyakulizya ningo, wino akuuvwa nawe atangamanya lwimbo luno akulizya.