1 Kolinto 14:26 - Amazwi Yakwe Leza 2013

²⁶ Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.

1 Kolinto 14:26 ပူးပေါင်းရင်းမြစ်များ

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Loma 12:7

Ndi twapelwa uwila wa kutumikila, mu cumi tulinzile kutumikila. Ndi twapelwa uwila wa kusambilizya, mu cumi tulinzile kusambilizya.

Loma 14:19

Caleka tulinzile kwezya kwikala mutende nu kwazwana kukwata utailo ukome.

Loma 15:2

Lelo cila muntu aezya kuzanzya mwina atali akome pakuti akomelezye utailo wakwe.

1 Kolinto 14:15

Uzye lyene ndinzile kucita uli? Namapepanga mu mwenzo nga na muli kampingu wane kwene. Namaimbilanga mu mwenzo nga na muli kampingu wane kwene.

1 Kolinto 14:2

Umuntu wino akalandila mu ndimi zitamanyika wene asyalanda ku antu yauze, lelo akalanda kuli Leza pano kusi umwi akamanya vino wene akalanda. Wene akalanda inkama zino Mupasi Wamuzilo sile angamanya.

1 Kolinto 14:27

Ndi cakuti pali yamwi akulonda kulandila mu ndimi zitamanyika, lekini yaili nanti yatatu yalande, ale yakulekanila, nga umuntu muze nawe alinzile kulondolola vino vikulandwa.

1 Kolinto 14:40

Vintu vyonsi vilinzile kucitwa umu nzila isuma nupya itantikwe.

2 Kolinto 12:19

Limwi mukwelenganya ukuti lyonsi lii swemo twezyanga kuicingilila sweisikulu pa manso inu. Awe! Swemo tukalanda ndi vino Klistu akalonda kuti twalanda pa manso yakwe Leza. Yakundwe itu, vyonsi vino tukacita ivyakuti vimwazwe.

2 Kolinto 13:10

Nkulemba vintu vii kuno muli lino ntali mfike kuno muli. Cili pamulandu wakuti nemo ntaya na kasokonda kuno muli apa kuomvya maka yano Mwene wampela. Napiilwe maka yaa pakuti nazwe mwemwe kuluta kuti monone.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

Efeso 4:16

wa mwili ukatungulula umwili onsi. Klistu uwalundanya mwili nga nu kuleka kuti cila cilundwa consi ca mwili caomba mu ufumaluke, alino nu kukula nu kukomeleka pamulandu wa kutemwa.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Efeso 5:19

Mwalanzyanya mazwi amu Masamu, mu nyimbo zya kulumbanya Leza nga ni nyimbo zyuze zya kulumbanya Leza mu myenzo inu.

1 Tesalonika 5:11

Acino mwakomelezyanya nu kwazwana, wakwe vino ndakai mukucita.