1 Kolinto 14:20 - Amazwi Yakwe Leza 2013

²⁰ Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

1 Kolinto 14:20 ပူးပေါင်းရင်းမြစ်များ

Neemiya 4:13

Fwandi nani ali vino nanenyile antu yane ukuti yaipangasya yaye yakimilile lwa kwisika yi linga apa ncende iifisame, umu ncende zyonsi izitatala zyakuulwa. Yimilila umu ndupwandupwa, ala yali ni vyanzo vyao, ivili wa mpanga, amasumo, inceto na malapwa.

Masamu 119:99

Natinja na mano ukuluta na yakasambilizya yane yonsi, pano nkakutumalilapo apa malamulo yako.

Ezaya 11:3

Icoopo kuli Yawe ali cintu cino alimilila penepo. Atalaputula umulandu pamulandu mu kulondelela ukuloleka kwa vintu, nanti ukuuvwilila sile uku matwi.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Mateo 18:3

Ayanena ati, “Cumi namunena, ndi mutasenwike nu kuicefya wa ana anono, mutalingila mu Wene wa mwiyulu.

Mateo 19:14

Lyene Yesu ayanena ati, “Lekini ana anono iize kunondi, mutayalesya, pano Uwene wa mwiyulu uwakwe yao ali ndi yaa.”

Mateo 19:4

Yesu nawe aasuka ati, “Uzye mutawelenga vino pa utandiko Leza wayaumvile umonsi nu mwanaci?

Mako 10:15

Cumi namunena nati, wino wensi atalapokelela Uwene wakwe Leza wa mwana munono, wene atalingilamo”

Luka 18:17

Cumi namunena nati, wino wensi atalapokelela Uwene wakwe Leza wa mwana munono, wene atalingilamo.”

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Loma 16:19

Antu yonsi yuvwa vino mwaya acumi kwi Landwe Lisuma nga pamulandu kwene uu, nemo ndi nu luzango pali mwemwe. Nkulonda muye a mano pali cino icili cisuma, lelo muye akaele mutakumako ku viipe.

1 Kolinto 13:11

Lino nali mwance nalandanga wa mwance, nelenganyanga wa mwance, napingulanga wa mwance. Lelo ndakai pano nakula nu kuta nata vya wance.

1 Kolinto 14:19

Lelo lino tukupepa mu ukongano wi uvi, nemo cinganzipila kulanda mazwi yasano sile yano yanguvwika pakuti nsambilizye yauze, kuluta kulanda mazwi mazimbi ikumi yano yatanguvwika ku antu yauze.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

Efeso 4:13

Cii cilatwalilila kufika lino twalemana kupitila mu utailo nga nu mukumanyikisya Mwana wakwe Leza. Lyene tulaya afumaluke, ndi vino Klistu ali, nupya tulakolana na aliwe cuze.

Filipi 1:9

Nkulenga Leza kuti kutemwa kwinu kwakulilako lyonsi pamwi na mano akumanya nu kupingula ningo,

Filipi 3:15

Swensi kwene swe muno twakula ku vya mupasi tulinzile kukwata kwelenganya kuu. Lelo ndi yamwi munomuli yakweti kwelenganya kuze, Leza alalenga kuti cii cimanyikwe paswe kunomuli.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.