1 Kolinto 14:16 - Amazwi Yakwe Leza 2013

¹⁶ Lino mukutaizya Leza mu myenzo inu sile, uzye umuntu wino muli nawe mu ukongano wa mapepo angavwanga uli ati, “Ameni” kwi pepo linu lya kutaizya,

1 Kolinto 14:16 ပူးပေါင်းရင်းမြစ်များ

1 Yamwene 1:36

Benaya umwana wakwe Yeoyada nawe avwanga ati, “Cimacitwa vivyo kwene. Si angala Yawe, Leza wako nawe azumilizye cintu cii!

1 Milandu 16:36

Lumbanyini Yawe, Leza wa ina Izlaeli! Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene.” Alino yalumbanya Yawe.

Neemiya 5:13

Ali pakuzula icisempe cansalu ino nazwite, nacikunta navwanga nu kuti, “Ali vino Yawe Leza, alakunta umuntu ali wensi uwa muno muli, nu kumuzinga umu ng'anda yakwe, nu kumupoka vyuma vyakwe.” Ali vino umuntu wiyo alinzile akuntwe. Atasyala nanti cimwi. Iuvi lyonsi nalyo ali pakwasuka iliti, “Ciye vivyo kwene!” Nga lilumbanya Umwene. Nga antu nayo yafikilizya ulayo wao.

Neemiya 8:6

Lyene Ezila alumbanya Yawe, Leza mukulu. Antu yonsi nayo yatumpula amakasa yao nga yavwanga yati, “Kaciye vivyo kwene! Kaciye vivyo kwene!” Ali pakwinamika ni mitwe yao, yafukama nga yalumbanya Leza.

Masamu 106:48

Lumbanyini Yawe, Leza wa ina Izlaeli. Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene!” Lumbanyini Yawe.

Masamu 41:13

Lumbanyini Yawe, Leza wakwe Izlaeli. Kalumbwe ilelo pe na pee! Ciye vivyo kwene! Ciye vivyo kwene!

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Masamu 89:52

Endi, katule twalukulumbanya Yawe pee. Ciye vivyo kwene! Ciye vivyo kwene!

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”

Yelemiya 28:6

Kale acite muno atemilwe, Yawe ace afikilizye amazwi yano nalinasema, asuke ace awezezye kuno iviya vya mu ng'anda yakwe Yawe na azya yonsi yano yaya mu Babiloni.

Mpendwa 5:22

Sa manzi yaa yano yakaleta vitipu yingile mu ndilwa yako nu kuleka ivimbe nga ni vyanzwalo vyako vinyaluluke ni ila lya uvyazi wako lifupame.” Lyene umwanaci wiyo alinzile kuzumila ati, “Nazumila. Si Yawe acite vivyo kwene.”

Mateo 15:36

Lyene atoola mikate cinimbali nu tuswi, nga pacisila ca kutaizya kuli Leza, aimokoola, apeela alondezi yakwe, nao yapela kwi iumba.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Mako 16:20

Lyene alondezi yapita kuya kosola konsi konsi, nu Mwene wayazwanga, nu kusininkizya ni vilangililo vino kukosola kwao ukwa cumi.]

Yoane 21:25

Kuli vintu navyuze vino Yesu wacisile. Ndi vyonsi vyalemvilwe, nkwelenganya vino pano nsi ponsi patangaya incende ya kwikamo mpapulo zino zingalembwa.

Yoane 7:15

Ayuda yazunguka cuze, yavwanga yati, “Uzye umuntu wii wamanya uli malembelo, vino atasambilila?”

Milimo 4:13

Lyene ali mwi Tengo yazunguka pa kuposya kwakwe Petulo na Yoane, antu atali asambilile, nga yamanya vino yali alondezi apitanga na Yesu.

1 Kolinto 11:24

ataizya kuli Leza, aumokoola, nga avwanga ati, “Uu, uli mwili wane, uno wapelwa pamulandu winu. Mwacita cii pa kunjiusya.”

1 Kolinto 14:14

Pano ndi nkapepa mu ndimi zitamanyika, ale mwenzo wane ukapepa lelo kampingu wane wene citamupazi.

1 Kolinto 14:2

Umuntu wino akalandila mu ndimi zitamanyika wene asyalanda ku antu yauze, lelo akalanda kuli Leza pano kusi umwi akamanya vino wene akalanda. Wene akalanda inkama zino Mupasi Wamuzilo sile angamanya.

1 Kolinto 16:24

Kutemwa kwane kuye pali mwemwe muli Klistu.

2 Kolinto 1:20

Klistu akati, “Ee” ku malayo yakwe Leza onsi. Uli mulandu uno tukavwangila muli Klistu Yesu tuti “Ameni” apa kulumbanya Leza.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

Umbwilo 5:14

Lyene viumbwa vyaumi vini vyasuka viti, “Ameni!” Alino aikolo yafukama nu kupepa.

Umbwilo 7:12

“Ameni! Kulumbanyiziwa, lulumbi, mano, kutaizya, mucinzi, maka nu ulamba vyonsi ivyakwe Leza witu manda pe! Ameni!”