1 Kolinto 14:13 - Amazwi Yakwe Leza 2013

¹³ Caleka, umuntu wino akalandila mu ndimi zitamanyika, alinzile kupepa kuti apelwe wila wakulondolola vino akulanda.

1 Kolinto 14:13 ပူးပေါင်းရင်းမြစ်များ

Mako 11:24

Caleka namunena nati, lino mukupepa nu kulenga pali cimwi, mutaile ukuti mwati mupokelela, nga mulapelwa consi cino mwalenga.

Milimo 1:14

Onsi yakongananga lyonsi ku kupepa pamwi wiumba, pali pamwi na anaci nga na Maliya nyina wakwe Yesu nga na ina yakwe Yesu.

Milimo 8:15

Lino Petulo na Yoane yafisile, yapepela yano ataile pakuti yangapokelela Mupasi Wamuzilo.

1 Kolinto 12:10

Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

1 Kolinto 12:30

Uzye onsi yakwata maka akupozya ndwala? Uzye onsi yakwata maka akulandila mu ndimi zyuze zitamanyika? Uzye onsi yakwata maka akulondolola vino vikulandwa mu ndimi zitamanyika?

1 Kolinto 14:12

Endi, mwemo mukulondesya kukwata mawila kufuma kuli Mupasi Wamuzilo. Caleka pimpini kuomvya mawila yano mungaomvya, mu kukuula nu kukomelezya iuvi.

1 Kolinto 14:14

Pano ndi nkapepa mu ndimi zitamanyika, ale mwenzo wane ukapepa lelo kampingu wane wene citamupazi.

1 Kolinto 14:26

Inane, lino mwakongana ku kupepa, vii avino cilinzile kuya, umuntu umwi akwimba umwi asambilizya, umwi aumbula vino Leza wamunena, umwi alanda mu ndimi zitamanyika umwi nawe alondolola vino mazwi amu cilimi cico yakusenula.