1 Kolinto 13:4 - Amazwi Yakwe Leza 2013

⁴ Kutemwa kukateeka mwenzo nupya ukwa luse. Kutemwa kutakwata uzuwa nupya kusyaitutumula nanti kuituumika.

1 Kolinto 13:4 ပူးပေါင်းရင်းမြစ်များ

Utandiko 30:1

Lelo lino Lakeli walola ukuti atakuvyalila Yakobo ana, aya nu uzuwa pali nyinalenzi, nga anena Yakobo ati, “Mpela ana, nanti mfwe!”

Utandiko 37:11

Aina yakwe Yosefu yaya nu uzuwa panoli, lelo isi wene acisunga mu mwenzo.

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Masamu 10:5

Umwipe akaya nu longo muli vyonsi. Wene atangiluka upinguzi wakwe Leza. Yonsi akamulwisya wayasuula.

Mapinda 10:12

Ulupato lukakatusya ivikanza, lelo ulukundo lukaleta ukwelelwa kwa maifyo yonsi.

Mapinda 13:10

Icilumba cakwe yayo asisakamala ivya yauze cikakatusya ulwete, lelo wiyo akauvwila malango ku antu yauze yakacefya icongo.

Mapinda 17:14

Ukutandika ukuloolola umulandu ali kuleta mulamba. Fwandi, lesya ukuloolola lino kutacili kwatampa.

Mapinda 17:9

Akasuula uku viipe ala wakomya icitemwiko. Lelo wiyo akaiusya pamulandu, ala watanya yacuza.

Mapinda 19:22

Ica muzewanya uku umuntu ukuya umupunuke, cazipa ukuya umulanda ukuluta ukuya uwantumpu.

Mapinda 31:20

Akakonzolola ikasa lyakwe nu kupeela uku alanda, nga na kuli yao akulondekwa ukwazwiliziwa.

Mapinda 31:26

Wene walamoka umu kulanda, nupya akalanda na mano umu kanwa kakwe.

Kasambilizya 10:4

Ndi ntunguluzi yakusokela, wemo utata incito, pano ukufuuka kungalenga kuti wemo welelwe ni vintu ivikalamba vino waluvyanya.

Mateo 27:18

Pano wamanyile vino yasimapepo akalamba yapile Yesu kunoli pamulandu sile wa uzuwa wao.

Milimo 7:9

“Ana yakwe Yakobo yali nu uzuwa pa mwina wao Yosefu, yamukazya kuya umuzya ku mpanga ya Eguputo. Lelo Leza wali nawe,

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,

Loma 13:13

Caleka twapita ningo ndi vino antu yakacita musanya. Tutaya mu nsaka zya kuwowota nanti kuya akolesi, nanti kucita vya winyi, nanti ukakasi, nanti lwete, nanti uzuwa.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

1 Kolinto 4:18

Yamwi munomuli yakuitumika kwati ntaliza ku kumutandalila.

1 Kolinto 4:6

Inane, naomvya Apolo nga na nemwisikulu kuya cilangililo ca kumulangilila vino mazwi yakasenula, yano akati, “Mwalondela ivya tantikwa mu malembelo.” Kutaya nanti wenga uwa munomuli kutasya umuntu umwi nu kusuula muze.

1 Kolinto 5:2

Uzye lyene mungaitumika uli? Mulinzile kuvwa ulanda pa cintu cii, nu kuzinga umuntu wiyo mu utandano, wino uwacita cintu cii.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

2 Kolinto 6:6

Tukailanga nupya ukuya aomvi yakwe Leza mu kuswepa kwa myenzo itu, mukumanya vya cumi, mu kuteeka myenzo, nu mukuya nu luse na Mupasi Wamuzilo, nga nu kutemwa kuno twakwata ukwa cumi,

Galatiya 5:26

Tutalinzile kuitutumula nanti kusosyanya nanti kuzuwilana.

Efeso 4:2

Muye afuke nupya aicefye lyonsi. Mwaposya kuti mulange kutemwana kuli cila muntu.

Efeso 4:32

Mu cifulo cakwe vii, muye nu luse na mizu kuli cila muntu munomuli. Mwaelelana ndi vino Leza wamwelela kupitila muli Klistu.

Filipi 1:15

Yamwi yakakosola Klistu pamulandu wakuti yakweti uzuwa nu muvimbila, lelo yamwi yakacita cii pa kulonda kwazwa yauze.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

1 Timoti 6:4

ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

1 Petulo 2:1

Lyene fumini viipe vyonsi munomuli. Mutatumpoka, mutacita usomvi, kuya nu uzuwa, nanti kutukana.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

2 Petulo 1:7

Ku kuipelesya ku umi wa kupepa Leza ungilizyini kutemwana kwa wina. Alino ku kutemwana kwa wina ungilizyini kutemwa antu onsi.

1 Yoane 4:11

Mwe yacuza akundwe, ndi Leza watutemilwe vivyo, catuzipila kuti naswe twatemwana.