1 Kolinto 13:1 - Amazwi Yakwe Leza 2013

¹ Ningakwata maka akulandila mu ndimi zya antu nga ni zya angeli kwene. Lelo ndi ntakweti kutemwa, ale kulanda kwane kuli wa kulila kwa cela nanti wa nsawa.

1 Kolinto 13:1 ပူးပေါင်းရင်းမြစ်များ

Masamu 150:5

Mulumbanyini umu visekese apa maka, mulumbanyini umu kulizisya visekese.

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Mako 16:17

Alino vilangililo vii vilaya na yano ataila. Mwi zina lyane yalafumya mipasi yankota, yalavwanga mu ndimi zyuze,

Loma 14:15

Ndi ukucisa auzo pamulandu na vino ukalya, ale usyakucita cii mu lukundo. Acino mutaleka indya inu yonone umuntu wino Klistu wafwilile!

1 Kolinto 12:10

Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

1 Kolinto 12:16

Ndi cali ikutwi lyavwanga lyati, “Nemo nsi linso, caleka nsi cilundwa ca mwili,” uzye lyene litangaya cilundwa ca mwili?

1 Kolinto 12:8

Mupasi Wamuzilo akapeela umuntu umwi maka akulanda vya mano, nga Mupasi Wamuzilo ali umwi kwene akapeela umuntu muze maka akulanda mazwi akusambilizya.

1 Kolinto 13:8

Kutemwa ukwa pe. Malandwe ya usemo nga nu kulandila mu ndimi zitamanyika, vyonsi kwene vilasila. Kumanya nako kwene kwakwata impela yakweko.

1 Kolinto 14:2

Umuntu wino akalandila mu ndimi zitamanyika wene asyalanda ku antu yauze, lelo akalanda kuli Leza pano kusi umwi akamanya vino wene akalanda. Wene akalanda inkama zino Mupasi Wamuzilo sile angamanya.

1 Kolinto 14:4

Umuntu wino akalandila mu ndimi zitamanyika wene akayazwa umwisikulu sile, lelo wino akasema ilandwe kufuma kuli Leza wene akaazwa iuvi lyonsi.

1 Kolinto 14:5

Ningatemwa kuti mwensi kwene mwalandila mu ndimi zitamanyika. Lelo cingazipisya ndi mwakweti uwila wa kusema ilandwe kufuma kuli Leza. Pano umuntu wino akusema ilandwe kufuma kuli Leza, waluta wiyo akalandila mu ndimi zitamanyika, suka ndi pali umwi pipi uwakulondolola vino vikulandwa, pakuti iuvi lyonsi lyazwiwe.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

2 Kolinto 12:4

Kuku akuno uvwile vintu vino vitangalondololwa, vintu vino muntu atangazumiliziwa kulanda.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Umbwilo 14:2

Alino nuvwa izwi kufuma mwiyulu lino lyuvwikike wa kupooma kwa manzi aingi, nupya wa kupangalansya kwa mvula kukulu. Lyuvwikike wa lwimbo ulwimbwangwa na yakiimba yano akulizya mapango.