1 Kolinto 12:2 - Amazwi Yakwe Leza 2013

² Mwamanya ukuti lino mwali antu atataila, mwaponziwe umu nzila zingi mu kupepa tuluwi tusivwanga.

1 Kolinto 12:2 ပူးပေါင်းရင်းမြစ်များ

Masamu 115:5

Utulomo twene twakwata, lelo tusivwanga foo. Amanso nayo kwene twakwata, lelo tusilola foo.

Masamu 115:7

Iminwe nayo twakwata, lelo tutange tuleme cimwi foo. Amaulu nayo twakwata, lelo tutange tupite foo, nanti sile icilulumo ciizwi lyatuko, cisiuvwika foo.

Masamu 135:16

Twakwata nu tunwa, lelo tutange tuvwange. Twakwata na manso, lelo tutange tulole.

Ezaya 46:7

Yene yakatukatusya apa viye vyao, nga yatusenda. Alino yaya yatwika pamwi nu kwikala yikala papo kwene, pano tutange twezye nu kuisezya penepo. Nanti angala wenga pano yali angapapata uli kunotuli, awe cumi tutange twasuke nupya tutange tumupususye foo.

Yelemiya 10:5

Utuluwi twa musango uu tukoline ni vintu vyakofezyako ivyunyi umu vyalo vya viimbi. Vyene visivwanga nupya ivyakusenda sile, pamulandu wakuti vitangapita. Fwandi mutavyoopa. Vyene vitange vimucitile akantu akaipe nanti kamwi, nupya vitange vimutumbwile icisuma nanti cimwi.”

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Galatiya 4:8

Lino mutamanyile Leza mwemo mwali azya ya tuluwi tutali tuleza.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.