1 Kolinto 12:18 - Amazwi Yakwe Leza 2013

¹⁸ Lelo ndi vino cili Leza wiika cilundwa consi pa cifulo caciko, wakwe vino umwisikulu walondanga kuti ciye.

1 Kolinto 12:18 ပူးပေါင်းရင်းမြစ်များ

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Masamu 135:6

Vyonsi vino Yawe akalonda ukucita ali vino akacita umwiyulu na muno nsi, muli yayemba nu mu matenga yonsi.

Ezaya 46:10

Ukutandikila sile na pa mpiti nemo nkavwanga calimwi ivili nu kucitika. Ukutandikila sile na pa mpiti nemo nkalondolwela calimwi ivili nu kucitika. Nkalanda ukuti vino nkapanga ukucita ala vilacitika. Nkacita na vyonsi vino nkulonda ukucita.

Yona 1:14

Lyene yapepa kuli Yawe, yati, “Iye we Yawe, twapapata utaleka tufwe pamulandu wakukoma umuntu wi. Utaleka tuye amulandu pa kukoma umuntu wi uwakaele, pasi pano we Yawe watucita icakukuzanzya.”

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

Loma 12:6

Acino lekini tuomvye mawila itu apusanepusane yano Leza watupeela mu cikuku cakwe. Ndi twapelwa uwila wa kukosola mazwi yakwe Leza, mu cumi tulinzile kucita vivyo kwene kulingana nu utailo uno tukweti.

1 Kolinto 12:11

Lelo a Mupasi Wamuzilo wenga nupya ali umwi kwene wino akacita vii vyonsi. Kuli cila muntu, wene akapeela uwila uiyele ndi vino akasi.

1 Kolinto 12:17

Ndi cali mwili onsi wali linso, uzye umuntu angauvwa uli? Ndi cali mwili wali ikutwi, uzye umuntu anganunsya uli?

1 Kolinto 12:19

Vilundwa vyonsi iviya cilundwa conga, ale lyene mwili utangayako.

1 Kolinto 12:24

kuluta vilundwa viyembesye vikaloleka. Leza umwisikulu uwalundanya vilundwa vya mwili mu musango umwi uwakuti acindamike cuze vilundwa vimwi vya mwili vino vikalonda mucinzi uwo.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 15:38

Leza aliwe akapeela cila lumbezu musango wa mwili uno akasi kuti lukwate.

1 Kolinto 3:5

Uzye Apolo aweni? Uzye Paulo aweni? Sweswe aomvi sile yakwe Leza, yao amwazwilizye kuti mutaile. Cila wenga uwa munotuli akaomba mulimo uno Leza wamupile kuti acita.

Efeso 1:5

Leza wasolola mpiti kutucita ana yakwe kupitila muli Klistu. Cii camuzanzizye umwisikulu mwi pange lyakwe.

Efeso 1:9

nga kupitila muli vino Klistu wacita, Leza watulanga mapange yakwe ankama.

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”