1 Kolinto 12:11 - Amazwi Yakwe Leza 2013

¹¹ Lelo a Mupasi Wamuzilo wenga nupya ali umwi kwene wino akacita vii vyonsi. Kuli cila muntu, wene akapeela uwila uiyele ndi vino akasi.

1 Kolinto 12:11 ပူးပေါင်းရင်းမြစ်များ

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Mateo 11:26

Endi Tata, cii acino walondanga kuti cicitike.

Mateo 20:15

Uzye ntakweti nsambu yakucita cisuma cino nkasi pa mpiya zyane? Uzye pacani wanzuwila pa nsambu yane.’ ”

Yoane 3:27

Yoane nawe aasuka ati, “Kusi cimwi wakwe cii cingacitikila umuntu, suka Leza ndi waleka kuti cicitike.

Yoane 3:8

Umuza ukapungila kuno ukasi, nga nawe ukauvwa ciunda cauko, lelo utangamanya kuno ukufuma na kuno ukuya. Avino cikaya kuli wensi wino wavyalwa kuli Mupasi Wamuzilo.”

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Loma 12:6

Acino lekini tuomvye mawila itu apusanepusane yano Leza watupeela mu cikuku cakwe. Ndi twapelwa uwila wa kukosola mazwi yakwe Leza, mu cumi tulinzile kucita vivyo kwene kulingana nu utailo uno tukweti.

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

1 Kolinto 12:18

Lelo ndi vino cili Leza wiika cilundwa consi pa cifulo caciko, wakwe vino umwisikulu walondanga kuti ciye.

1 Kolinto 12:4

Kwaya mawila apusane kufuma kuli Mupasi Wamuzilo, lelo Mupasi ali umwi kwene awino akapela.

1 Kolinto 12:6

Kwaya maka apusane akutumikilamo, lelo Leza ali umwi akapeela maka kuli yonsi akatumikila.

1 Kolinto 7:17

Cila muntu alinzile kutwalilila kwikala muno Mwene wamusungila na muno Leza wamwamile. Lii, lili lamulo lino nkasambilizya mu mauvi yonsi.

1 Kolinto 7:7

Endi! Nemo ningatemwa ndi cakuti antu yonsi yakolana nani. Lelo Leza wapela uwila uiyele kuli cila muntu, onga ku muntu wenga nga nauze kuli muze.

2 Kolinto 10:13

Swemo tutangaitumika kuluta pa cipimo. Lelo tumaikalilila mu cipimo ca mulimo uno Leza watutumile kwiza omba, kufika na kuno muli kwene.

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 4:7

Lelo kuli sweswe, Klistu wankanya mawila yakwe.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.